ජාතික ආණ්ඩුවට විරුද්ධව බව ජනපති ප්‍රසිද්ධියේම කියයි

0
472
Ivory Agency Sri Lanka
wedding people
Loading...

එක්සත් ජාතික පෙරමුණේ ප්‍රධානත්වයෙන් බිහි කිරීමට උත්සාහ දරන ජාතික ආණ්ඩුවට ඇති විරුද්ධත්වය ජනාධිපතිවරයා විසින් විදේශිය දුත පිරිස්ද සහභාගී වු ජාතික උත්සවයක දී පළ කර තිබේ.

“යෝජිත ජාතික ආණ්ඩුවට මා තරයේ විරුද්ධයි. ඇමති මණ්ඩලය 25 දක්වා සීමා වීම ජනතාවගේ ප්‍රාර්ථනාවයි. ජාතික ආණ්ඩුවකට යන්නේ ඇමති මණ්ඩලය වැඩිකිරීමටයි” යනුවෙන් 71 වන නිදහස් දින උත්සවයේදී ජනපති මෛත්‍රීපාල සිරිසේන කියා සිටියේය.

එක් මන්ත්‍රීවරයෙක් සම්බන්ධ කරගෙන ජාතික ආණ්ඩුවක් පිහිටුවීම කොතරම් සදාචාර සම්පන්න ද යන්න ජනාධිපතිවරයා ප්‍රශ්න කළේය.

තම නායකත්වයෙන් 2015 නිර්මාණය කල යහපාලන ජාතික රජය ද කලයුතු බොහෝ දේ නෙසලකා හැරි බවට ජනාධිපතිවරයාගේ දෝශ දර්ශණයට ලක් විය.

“2015 වසරේ අප ප්‍රධාන දේශපාලන පක්ෂ එක්ව ජාතික ආණ්ඩුවක් පිහිට වූ බව ඔබ අප කවුරුත් දන්නා කාරණයක්. එයින් අප රටට විශාල සේවයක් සිදුවූවා. එහෙත් කළ යුතුව තිබු බොහෝ දේ අප නොසලකා හැර තිබෙනවා.”

ගෙවී ගිය සිව් වසරක තම පාලන කාලය තුළ උතුරේ ජනතාව වඩාත්ම නිදහස්ව ජීවත් වු බවට විශ්වාසය පළ කල ජනාධිපතිවරයා ජාතික සමඟිය සහ සංහිඳියාවට උපහාස, අපහාස නොකොට එහි බැරූරුම් තත්ත්වය හඳුනාගත යුතු බව මෙන්ම අප සිටිනුයේ අළුවලින් වැසුණු ගිනිගොඩක බව අප අමතක නොකළ යුතු බව ද වැඩි දුරටත් අවධාරණය කළේය.

Facebook Comments

Loading...