ලේක් හවුස් ආයතනයේ නවතම ජාතික පුවත්පත ලෙස ‘රැස’ 11 බුහස්පතින්දා සිට වෙළඳ පලට නිකුත් කරන බව එම ආයතනය පවසයි.
අවිද්‍යාව, අශිෂ්ඨත්වය, මිත්‍යාව, ජාතිවාදය, ආගම්වාදය යනු පටු දෘෂ්ඨීන්ට එරෙහිව සැබෑ නවීන පුවත්පතක් ලෙස මෙම පුවත් පත ප්‍රකාශයට පත් වන බවයි ලේක් හවුස් ආයතනය පවසන්නේ.
මෙම පුවත්පතේ කතුවරයා වශයෙන් තරුණ මාධ්‍යවේදියෙකු වන චාමර ලක්ෂාන් කුමාර මහතා කටයුතු කරන අතර, පුවත්පතේ නියෝජ්‍ය කතුවරයා ලෙස මාධ්‍යවේදි වන කසුන් පුස්සෙවෙල කටයුතු කරනු ලබයි.
විශේෂාංග කතෘවරයා රංජිත් කුමාර සමරකෝන් වන අතර ප්‍රවෘත්ති කතෘවරයා වනුයේ ශාලික විමලසේනයි කටයුතු කරනු ලබන බවත් තිඹිරියාගම බණ්ඩාර, ජයසිරි ජයසේකර, රවීන්ද්‍ර විජේවර්ධන, නිලන්ත ගමගේ, මංජුල සමරසේකර, කසුන් ඉරුගල්බණ්ඩාර, පබදු සපුතන්ත්‍රි, ශිවන්ති ප්‍රනාන්දු ඇතුළු තරුණ මාධ්‍යවේදීන් කණ්ඩායමක් මෙහි සේවය කරයි.
මෙම පුවත්පත් නව සන්නිවේදන තාක්ෂණයන් සමග අත්වැල් බැඳ ගන්නේ මධුක ප්‍රනාන්දු සහ විමුක්ති දුෂාන්තගේ සහයෙනි. මො.ල. සෙනෙවිරත්න ප්‍රමුඛ දක්ෂ තරුණ පිටු සැකසුම් ශිල්පීන් පිරිසක් ‘රැස’ නිර්මාණයෙහි ලා දායක වෙති.
Facebook Comments
