අන්තවාදී සංවිධාන විසින් ප්‍රහාරයක් එල්ල විය හැකි බවට 2014 වසරේ සිටම අනතුරු අඟවා තිබු බවට ආරක්ෂක ලේකම්වරයා ප්‍රකාශ කර තිබේ.
එම කාලව සීමාවේ සිටිම පියවර ගෙන තිබුනේ නම් පාස්කු ඉරිදා ප්‍රහාර වළක්වා ගැනීමට හැකියාව තිබු බව ජෙනරාල් ශාන්ත කොට්ටේගොඩ අප්‍රේල් 21 ප්‍රහාරය සම්බන්ධයෙන් කරුණු විමසන පාර්ලිමේන්තු කාරක සභාව හමුවේ විශ්වාසය පළ කර ඇත.
“මේ සිද්ධියට අදාළව තොරතුරු ලැබිල තියෙනවා ඊයේ පෙරේදා ඉඳලා නෙමේ. 2014 වගේ ඉඳල තියෙන තොරතුරු තියෙනවා. නමුත් ඒක අපි දන්නෙ නැහැ ඒ සංවිධාන තහනම් කරලත් නැහැ. ඒ වගේ කටයුතු කරල තිබුනා නම් මේ වගේ දුරට එන එකක් නැහැ කියලා මගෙ අදහසක් තියෙනවා.”
අන්තවාදී ක්‍රියාකරකම් සම්බන්ධව 2014 වසරේ සිට බුද්ධි අංහ වාර්තා කර ඇති බව මෙන්ම ඒ පිළිබඳව අදාළ අංශ ද දැනුවත් කර ඇති බවට ආරක්ෂක ලේක්ම්වරයා කාරක සභික නලින්ද ජයතිස්ස මන්ත්‍රීවරයා කළ ප්‍රශ්න කිරීමකට පිළිතුරු දෙමින් පැවසීය.
කෙසේ වෙතත් ඒ සම්බන්ධ පියවරයන් ගැන තමන් දැනුවත් නැති බව ද ආරක්ෂක ලේකම් ජෙනරාල් ශාන්ත කොට්ටේගොඩ 29 බදාදා පාර්ලිමේන්තුවේ පැවැත්වෙන කාරක සභාව හමුවේ සඳහන් කළේය.
Facebook Comments
