ජාතික ආණ්ඩුවට ගැන තීරණයක් අරන් නැතැයි මුස්ලිම් කොංග්‍රසය කියයි

0
198
wedding people

ජාතික ආණ්ඩුවක් පිහිටුවීම සදහා එක්සත් ජාතික පක්ෂය කර ඇති ආරාධනාපිළිබඳව අවසන් තීරණයක් ගෙන නැතැයි ශ්‍රී ලංකා මුස්ලිම් කොංග්‍රසය පවසනවා.

එම ආරාධනාව සම්බන්ධව ශ්‍රී ලංකා මුස්ලිම් කොංග්‍රසයේ නායක අමාත්‍ය රවුෆ් හකීම් ප්‍රමුඛ කොංග්‍රසයේ උත්තරීතර මණ්ඩලය රැස්වී විශේෂ සාකච්ඡාවක් පවත්වන බවයි පාර්ලිමේන්තු මන්ත්‍රී සෙයිඩ් අලි සහීර් මව්ලානා පවසන්නේ.

එක්සත් ජාතික පෙරමුණ ප්‍රමුඛ වත්මන් රජය ජාතික ආණ්ඩුවක් පිහිටුවීමට පියවර ගෙන ඇති බවත් ඒ අනුව කැබිනට් අමාත්‍යවරුන් සංඛ්‍යාව 48 දක්වා වැඩි කිරීමට අවසර ඉල්ලා සිටින බවත් දැක්වෙන යෝජනාවක් සභානායක අමාත්‍ය ලක්ෂ්මන් කිරිඇල්ල විසින් පසුගියදා පාර්ලිමේන්තු මහලේකම්වරයා වෙත භාර දෙනු ලැබුවා.

මුස්ලිම් කොංග්‍රසය සමඟ එක්ව ජාතික ආණ්ඩුවක් සකස් කරන බවට ප්‍රකාශ කල එක්සත් ජාතික පෙරමුණ රාජපක්ෂ පාලනයේදී ලබා ගත් ණය කන්දරාව ගෙවමින් ජනතාවට උපරිම සහන දීමට සහ රටේ ප්‍රජාතන්ද්‍රවාදය තහවුරු කිරීමට කැමැත්ත පළ කරන සියළු පක්ෂවලට සමගි සන්ධාන ජාතික රජයට එක්වන ලෙස ආරාධන‍ා කළේය.

ශ්‍රී ලංකා නිදහස් පක්ෂයේ පිරිසක්ද ජාතික ආණ්ඩුව හා එක්වන බව පසුගියදා මනුෂ නානායක්කාර මන්ත්‍රීවරයා ගාල්ලේ දී ප්‍රකාශ කර තිබුණි.

කෙසේ වෙතත් ජාතික ආණ්ඩුවක් බිහිකිරීම සඳහා ආණ්ඩුව ගෙන යන වැඩපිළිවෙලට එරෙහිව අධිකරණ ක්‍රියාමාර්ගයක නිරතවිමට බලාපොරොත්තු වන බවයි ඒකා බද්ධ විපක්ෂය පවසන්නේ.

Facebook Comments