වෛද්‍යවරු වැඩ කරන්නේ මංකොල්ල කාරයන්ගේ සදාචාරයෙන් – බාහු (VIDEO)

0
534
wedding people
Loading...

වෛද්‍යවරුන් වැඩ කටයුතු කරනු ලබන්නේ ජාතික ‍‍ඓතිහාසික සදාචාරයෙන් නොව මංකොල්ලකාරි සදාචාරයෙන් බවට නව සම සමාජ පක්ෂ නායකයා චෝදනා කරයි.

තමන් හට යම් අභියෝගයක් එල්ල වන විට වෛද්‍යවරුන්ගේ දණ්ඩ නීති සංග්‍රහයට අනුව ජනතාවට දඬුවම් ලැබෙන බව ආචාර්ය වික්‍රමබාහු කරුණාරත්න 17 බ්‍රහස්පතින්දා පැවති මාධ්‍ය හමුවක දී කියා සිටියේය.

“පොඩි බේතක් හරි එනව නම් ඒගොල්ලන්ට ප්‍රයෝජනයක් වෙන්නෙ නැති ස්ට්‍රයික් එකක් දානවා. දවසක ස්ට්‍රයික් එකක් දානවා මිනිස්සු 30,40 මැරෙනවා, කට්ටියක් අනාථ වෙනවා. රට කුලප්පු වෙනවා අනේ දෙයියනේ අනේ දොස්තර මහත්‍තයෝ කියලා ඔක්කොම බැගෑපත් වෙලා වෛද්‍යවරුන්ගේ දණ්ඩ නීති සංග්‍රහය අනුව අපිට දඬුවම් ලැබෙනවා. මේක තමයි සෙල්ලම” යැයි ආචාර්ය බාහු පෙන්වා දුනි.

සිංගප්පූරු නිදහස් වෙළද ගිවිසුම අත්සන් කිරීමට විරෝධය පළ කරමින් රජයේ වෛද්‍යවරුන්ගේ සංගමය විසින් ආරම්භ කරන ලද වැඩ වැරුම පිළිබඳව අදහස් දක්වමින් ඔහු මේ බව කියා සිටියේය.

වෛද්‍යවරුන් “රෝගීන් සාරය උරා ගෙන බී” ධනපතියන් වී ඇති බව පවසන වික්‍රමබාහු කරුණාරත්න “ඒ අය බල්න්නේ ඒ අයගෙ මාකට් එක විතරනෙ. දොස්තරවරුන්ගේ මාකට් එක විතරක් බලල රට ගෙනියන්න බැහැනෙ” යි වැඩි දුරටත් ප්‍රකාශ කළේය.

Facebook Comments

Loading...