රුසියාවේ හිටපු ශ්‍රී ලංකා තානාපති වෛද්‍ය සමන් වීරසිංහ ජනාධිපතිවරයාගේ ජාත්‍යන්තර කටයුතු පිළිබඳ උපදේශකවරයා ලෙස පත් කර තිබේ.
ජාත්‍යන්තර කටයුතු හා සබඳතා පිළිබඳ තිස් වසරකට වැඩි පලපුරුද්දක් සහිත වෛද්‍ය සමන් වීරසිංහ ඉකුත් වසර දෙකේදී ( 2016 – 2018 දක්වා) රුසියානු සමූහාණ්ඩුවේ ශ්‍රී ලංකා තානාපති වරයා වශයෙන් කටයුතු කළේය.
අදාළ තනතුරු සඳහා 16 බදාදා ජනාධිපති මෛත්‍රීපාල සිරිසේන විසින් සමන් වීරසිංහ පත් කර ඇත.
ශ්‍රී ලංකාව හා රුසියාව අතර රාජ්‍ය තාන්ත්‍රික ඉතිහාසයේ ශ්‍රී ලංකා ජනාධිපතිවරයකු රුසියාවේ නිල සංචාරයක යෙදීමේ කටයුතු සංවිධානය කිරීම මෙන් ම දෙරට අතර ඇති වූ තේ අර්බුදය මෙරටට වාසි සහගත වන ආකාරයෙන් විසඳා ගැනීමට ද හිටුපු තානාපති වෛද්‍ය සමන් වීරසිංහ විශාල වැඩ කොටසක් සිදුකරනු ලැබිණි.
රුසියානු ජනාධිපතිවරයා ගේ නිර්දේශය මත විදේශිකයෙකුට ප්‍රදානය කරනු ලබන ඉහළ ම සම්මානය වන රුසියානු සමූහාණ්ඩුවේ ගෞරව සම්මානයෙන් පිදුම් ලැබූ එක ම ශ්‍රී ලාංකිකකයා ද වනුයේ වෛද්‍ය සමන් වීරසිංහය.
Facebook Comments
