ජාතික සමගිය හා සංහිදියා කාර්යාංශය (ONUR )සහ අධ්‍යාපන අමාත්‍යංශය එක්ව සාමය හා සංහිදියාව පිලිබඳ නව අධ්‍යාපන ඒකකයක් (P.E.R.U.) ආරම්භ කර ඇත.
මෙම ඒකකය තුලින් සිසු සිසුවියන් අතරේ ජාතික සමගිය හා එකමුතු බව ගැන දැනුවත් කිරීමේ වැඩපිළිවෙලක් ක්‍රීයාත්මක වන බවයි ජාතික සමගිය හා සංහිදියා කාර්යාංශය පවසන්නේ.
මේ පිලිබඳ පැවති මාධ්‍ය හමුවකදී මෙම ඒකකයේ අරමුණු, වැඩපිළිවෙල සහ අවශ්‍යතාවය ගැන ජාතික සමගිය හා සංහිදියා කාර්යාංශයේ සභාපතිනි හිටපු ජනපති චන්ද්‍රිකා බණ්ඩාරනායක කුමාරතුංග අධ්‍යාපන අමාත්‍ය ගරු අකිල විරාජ් කාරියවසම් සහ අධ්‍යාපන අමාත්‍යංශ ලේකම් සුනිල් හෙට්ටිආරච්චි අදහස් දැක්වූහ.
දැනටමත් ජාතික සමගිය හා සංහිදියා කාර්යාංශය, අධ්‍යාපන අමාත්‍යංශය සහ පළාත් සභාවන් එකතුව පවත්වනු ලබන සහෝදර පාසල් ව්‍යාපෘතිය, ආගමික හා සංස්කෘතික විවිධත්වය සැමරීමේ වැඩසටහන්, ගුරුවරුන් සඳහා වු විශේෂ පුහුණුවීම් ඇතුළුව අධ්‍යාපන ක්ෂේත්‍රයේ විවිධ වැඩසටහන්වලට අමතරව මෙම නව ඒකකය තුලින් ඉදිරියේ ක්‍රියාත්මක කිරීමට යෝජිත සමාජ එකමුතුව පාසල් තුලින් ගොඩනැගීමට සම්බන්ධ ක්‍රියාකාරී සැලැස්මක් ඉදිරිපත් කිරීමට නියමිතව ඇත.
Facebook Comments
