පොලිසියට කුඩු අල්ලන පුලුවන් වුනේ පොලිස් කොමිසම නිසා – අගමැති

0

ජාතික පොලිස් කොමිසම ස්ථාපිත කර පැවති දේශපාලන බලපෑම් ඉවත් කිරිම නිසාවෙන් පොලිසියට මත්කුඩු ජාවාරමට එරෙහිව කටයුතු කිරීමට හැකි බව අගමැතිවරයා ප්‍රකාශ කර තිබේ.

පොලිසියට ස්වාධීන ආයතනයක් ලෙස කටයුතු කිරිමට හැකි පරිසරයක් නිර්මාණය කිරිමේ ප්‍රතිඵල අද වන විට ශ්‍රී ලංකාව තුලත් රටින් පිටතත් ලැබෙමින් පවතින බවයි අගමැති රනිල් වික්‍රමසිංහ පෙන්වා දෙන්නේ.

“පොලිස් විශේෂ කාර්ය බලකාය හා පොලිස් මත්ද්‍රව්‍ය නාශක අංශය නැවත වතාවක් රටේ විශාලම මත්ද්‍රව්‍ය ප්‍රමාණය ඊයේ අත්අඩංගුවට ගැනීමට සමත් වුණා. එය මත්ද්‍රව්‍ය ජාවාරම මර්ධනය කිරීමේ වැඩසටහනේ ඉතා හොඳ පියවරක් බව කිව යුතුයි. මෙය සිදු කිරීමට හැකි වුණේ මත්ද්‍රව්‍ය ජාවාරම මර්ධනය කිරීමේ වැඩසටහනට එල්ල වූ දේශපාලන බලපෑම් ඉවත් කිරීමට අපට හැකි වූ නිසයි.”

“ජාතික පොලිස් කොමිසම අපි ආරම්භ කළා. මත්ද්‍රව්‍ය ජාවාරම වැළැක්වීමට එරෙහිව එල්ල වූ දේශපාලන මැදිහත් වීම වැළැක්වීමට ඒ හරහා අපට හැකියාව ලැබී තිබෙනවා. ශ්‍රී ලංකාව තුළත්, ශ්‍රී ලංකාවෙන් පිටතත් දැන් අපිට දකින්නට ලැබෙන්නේ එහි ප්‍රතිඵලයි. අප ඒ කටයුතු සිදු කරන්නේ රටේ අනාගතය වෙනුවෙන්.” යැයි අගමැතිවරයා 24 ඉරිදා අරණායක, මාවතගොඩ, රිවිසඳ මහා විද්‍යාලයේ නව පරිපාලන ගොඩනැගිල්ල විවෘත කිරීමේ අවස්ථාවට එක්වෙමින් කියා සිටියේය.

මත්කුඩු වැටලීමට සම්බන්ධ වු පොලිස් විශේෂ කාර්ය බලකායේ හා පොලිස් මත්ද්‍රව්‍ය නාශක අංශ නිලධාරීන් හා ඊට සම්බන්ධ වූ සියලූ නිලධාරීන්ට තම ස්තුතිය පළ කර සිටින බව ද අගමැති රනිල් වික්‍රමසිංහ වැඩි දුරටත් පැවසීය.

Facebook Comments

wedding people