ලෝකයේ එදා මෙදාතුර විසූ විශිෂ්ටතම චින්තකයා ලෙස බීබීසීය විසින් මහජන ඡන්දයෙන් තෝරාගන්නා ලද ලන්ඩනයේ හයිගේට් සුසාන භුමියේ පිහිටි සංරක්ෂිත කෞතුක වස්තුවක් වන කාල් මාක්ස් සමාධිය ප්‍රහාරයකට ගොදුරු වී තිබේ.
සියවසකට වඩා පැරණි මාක්ස් ගේ ස්මාරකයේ කිරිගරුඬ ඵලකයට හානි කර ඇත්තේ මිටියකින් පහර දීමෙන් බවට විශ්වාස කෙරේ.
“මෙය හිත්පිත් නැති කෙලෙසීමක්,” යැයි හයිගේට් සුසාන භුමි පදනමේ ප්‍රධාන විධායක ඉයන් ඩන්ගවෙල් පැවසීය.
“මේක වැදගත් ස්මාරකයක් කියලා තේරුම් ගන්න මාක්ස්වාදියෙක් වෙන්න ඕනේ නෑ. මාක්ස්වාදයට බරපතල ලෙස විරුද්ධ කෙනෙක් නම් කරන්න ඕනේ ඔහුත්, ඔහුගේ දරුපවුලත් වල දමා ඇති තැන විනාශ කිරීම නෙවෙයි. මිනිස්සුන්ගේ අදහස් වෙනස් කිරීම.”හෙතෙම කියා සිටියේය.
ප්‍රහාරයට ලක්වූ මාක්ස් සමාධි ඵලකය යථා තත්වයට පත් කිරීමට හැකි අයුරින් පියවර ගත්තත් එය තිබූ ආකාරයටම අනාගතයටත් සංරක්ෂණය කළ හැකි වේදැයි සුසාන භූමි භාරකරුවෝ සැක පහල කරති.
Facebook Comments
