යහපාලන රජය 2017 වසරේ මුහුණ දෙන ප්‍රථම මැතිවරණය ජනමත විචාරණය බව සෞඛ්‍ය, පෝෂණ හා දේශීය වෛද්‍ය අමාත්‍ය සහ රජයේ සම කැබිනට් මාධ්‍ය ප්‍රකාශක දොස්තර රාජිත සේනාරත්න පවසයි.
සෞඛ්‍ය අමාත්‍යාංශයේ පැවැති සාකචිඡාවක දී අදහස් පළ කරමින් සෞඛ්‍ය අමාත්‍යවරයා කියා සිටියේ නව ව්‍යවස්ථාව සදහා එම ජනමත විචාරණය පවත්වන බවයි.
යෝජිත නව ව්‍යවස්ථා කෙටුම්පත අවසන් කර පාර්ලිමෙින්තුවට ඉදිරිපත් කර ඉන් සම්මත වූ පසු එය ජනමත විචාරණයට ලක් කරන බව සෞඛ්‍ය අමාත්‍යවරයා සදහන් කළේය.
නව ව්‍යවස්ථාවක් සකස් කිරීම සදහා මෙි වනවිට කමිටු පත්කිරීම සහ ජනතාව දැනුවත් කිරීම ආරම්භ කර ඇති බැව් පැවසු ඇමතිවරයා කඩිනමින් නව ව්‍යවස්ථාව සකස් කරන බවද සදහන් කරයි.
ජනමත විචාරණයෙන් පසු පළාත් සභා මැතිවරණය සහ පළාත් පාලන මැතිවරණය පවත්වන බව අවධාරණය කල සෞඛ්‍ය අමාත්‍යවරයා සියළුම පළාත් සභා මැතිවරණ එකම දිනයක දී ද, සියළුම පළාත් පාලන ආයතන මැතිවරණ එකම දිනයක දී ද පැවැත්වීමට රජයේ අවධානය යොමුව ඇති බව ද වැඩිදුරටත් පැවසීය.
Facebook Comments
