බැඳුම්කර වංචාව සම්බන්ධයෙන් විදේශ අමාත්‍ය රවී කරුණානායක පිළිබඳව අනාවරණය වී ඇති කරුණු අනුව එක්සත් ජාතික පක්ෂයෙන් අමාත්‍යවරයා ඉවත් කරන ලෙසට අගමැතිවරයාට බලපෑම් එල්ල වී තිබේ.
විදේශ ඇමතිවරයා ඉවත් නොකලහොත් ඒකාබද්ධ විපක්ෂය ඉදිරිපත් කර ඇති විශ්වාස භංග යෝජනාවට සිය සහය දක්වන බවට එජාප මැති ඇමැතිවරුන්වරුන් පිරිසක් එජාප නායක රනිල් වික්‍රමසිංහ හට 04 සිකුරාදා අනතුරු ඇඟවු බව සිරිකොත ආරංචි මාර්ග පවසයි.
එක්සත් ජාතික පක්ෂය සිය පිරිසිදු බව ඔප්පු කල යුතු බවටයි එම කණ්ඩායමේ අදහස වී ඇත්තේ.
ජනපතිගෙන් ඉල්ලීමක්
මේ අතර බැඳුම්කර සිද්ධිය සම්බන්ධව එල්ල වී ඇති චෝදනා හේතුවෙන් සිය ධුරයෙන් ඉල්ලා අස්වන ලෙසට ජනාධිපතිවරයා අමාත්‍ය රවී කරුණානායක හට දන්වා ඇති බව දේශපාලන ආරංචි මාර්ග කියා සිටී.
එල්ල වී ඇති චෝදනා හමුවේ රවී කරුණානායක තවදුරටත් කැබිනට් මණ්ඩලයේ කටයුතු කිරිම යහපාලන රජයට බරපතල ගැටළුවක් බව ජනපති මෛත්‍රීපාල සිරිසේන අමාත්‍යවරයා වෙත දැනුම් දී ඇති බවද වාර්තා වේ.
Facebook Comments
