ජන්ද මධ්‍යස්ථාන වල සහ කොට්ඨාශ වල ජන්ද ගණන් කර ප්‍රතිඵල තේරිම්භාර නිලධාරින් වෙත දුරකතන හ‍ා ෆැක්ස් මාර්ගයෙන් ලැබී තිබුණද අතින් ගෙන එන ප්‍රතිඵල ප්‍රකාශ සමඟ සංසන්දය කිරිමට සිදුවීම නිසා ප්‍රමාදය සිදුව ඇති බව මැතිවරණ කොමිසමේ සභාපතිවරයා පෙන්වා දෙයි.
ඇතැම් කොට්ඨාශ වල මෙතෙක් ලැබී ඇත්තේ එක් ජන්ද ප්‍රතිඵලයක් පමණක් බවත් සමස්ත ප්‍රතිඵල ප්‍රකාශ කිරීමට ඒවා නැවත නැවත සසඳා බැලීමට සිදුව ඇති බවද කොමිසමේ සභාපති මහින්ද දේශප්‍රිය නිවේදනය කරයි.
සමස්ථ ප්‍රතිඵලය ප්‍රකාශ කිරීමට තව සැලකිය වේලාවක් ගත වනු ඇති බවට අපේක්ෂා කරන මැතිවරණ කොමිසමේ සභාපතිවරයා ඉවසීමෙන් සිටින ලෙස ජනතාවගෙන් ඉල්ලා සිටි.
තේරිම්භාර නිලධාරින් විසින් සියලුම ප්‍රතිඵල දත්ත පද්ධතියට ඇතුලත් කරන තෙක් සමස්ථ ප්‍රතිඵලය මාධ්‍ය වෙත ලබා දීමට නොහැකි බවද සභාපතිවරයා වැඩි දුරටත් නිවේදනය කරමින් පවසයි.
Facebook Comments
