මීතොටමුල්ල කුණු කන්ද නාය යාමෙන් මිය ගියවුවන් ස්මරණය කරමින් යාපනය සරසවියේ පුෂ්ප උපහාරයක් සහ පහන් දැල්වීමක් සිදු කර ඇත.
මෙම සිද්ධියෙන් මිය අයවලුන්ගේ ආත්මයන්ට ශාන්තිය ප්‍රර්ථනා කරමින් මෙය සංවිධානය කල බව පවසන යාපනය විශ්ව විද්‍යාලයේ ශාස්ත්‍ර පීඨ ශිෂ්‍ය සංගමය සිද්ධිය සම්බන්ධව සිය ශෝකය පළ කර සිටී.
තවද මෙම සිද්ධියේ සම්පුර්ණ වගකීම ආණ්ඩුව විසින් බාරගත යුතු බව කියා සිටින ශිෂ්‍ය සංගමයේ සභාපති කේ.රජීවන් මෙම ආපදාවෙන් විපතට පත්වුවන්ට සිය සාමන්‍ය ජිවිතය යළි ආරම්භ කිරීමට අවශ්‍ය සියලු පියවර ආණ්ඩුව විසින් හැකි ඉක්මනින් සැලසිය යුතු බවද අවධාරණය කර සිටී.
මෙවැනි ආපදා නැවත ඇති නොවීමට රජය විසින් පියවර ගත යුතු බවද යාපනය විශ්ව විද්‍යාලයේ ශාස්ත්‍ර පීඨ ශිෂ්‍ය සංගම් සභාපතිවරයා මෙහිදි වැඩි දුරටත් ප්‍රකාශ කර තිබේ.
පසුගිය අප්‍රියෙල් 14 වන දා මීතොටමුල්ල කුණු කන්ද නාය ගිය අතර සිද්ධියෙන් 32 මිය ගොස් පුද්ගලයන් 8 දෙනෙක් තවමත් අතුරුදන්ව සිටින අතර සිය ගණනකට උන් හිටි තැන් අහිමි වු බවයි රජය පවසන්නේ.
Facebook Comments
