වරායේ ඉඩම් පුද්ගලීකරණයට එරෙහිව විරෝධතාවක්

කොළඹ වරාය සතු ඉඩම් පෞද්ගලික සමාගමක් වෙත පැවරීමට එරෙහිව වරාය සේවකයන් විරෝධතාවයක් දියත් කර තිබේ.

කලම්බු ඉන්ටර්නැෂනල් කන්ටේනර්ස් ටර්මිනල් නම් පෞද්ගලික සමාගම වෙත කොළඹ වරාය සතු ඉඩම් අක්කර 13 ක් පැවරීමට එරෙහිව මෙම විරෝධය මතුව ඇත.

අදාළ ගනුදෙනුවට එරෙහිව අගෝස්තු 9 සදුදා දහවල් ජනතා විමුක්ති පෙරමුණට අනුබද්ධ වෘත්තීය සමිතියක් වන සමස්ත ලංකා වරාය පොදු සේවක සංගමය සංවිධානය කළ පිකට් උද්ඝෝෂණයක් කොළඹ වරාය ඉදිරිපිට දී පැවැත්විණි.

මෙතෙක් අදාළ ගනුදෙනුව ගැන කිසිදු සාකච්ජාවක් ඇති වී නොමැති බවත්, ඉඩම් පවරා දීම නවත්වන තෙක් වරායේ සැපයුම් අංශයේ සේවයකයන් 600 ක් දෙනා සේවයෙන් ඉවත්ව සිටින බවත් වරාය සුරැකීමේ වෘත්තීය සමිති එකමුතුවේ ප්‍රකාශකයෙක් සඳහන් කළේය.