රත්තරන් ජාවාරමෙන් විදෙස් විනිමයට බලපෑම්

0

ශ්‍රී ලංකා රත්තරන් ජාවාරමේ මධ්‍යස්ථානයක් බවට සැක පල කරන රේගුව එම නිසාවෙන් මෙරට විදෙස් සංචිත වලට බලපෑමක් සිදුවිය හැකි බවට අනතුරු අඟවයි.

2016 වසරේ රත්තරන් 9148kg සහ 2017 වසරේ 15757kg මෙරටට ගෙන්වා ඇති අතර 2018 මුල් මාස තුනේ පමණක් මෙරටට ආනයනය කරන ලද රත්තරන් ප්‍රමාණය 2016 වසර පුරාම ගෙන ආ ප්‍රමාණයටත් වඩා වැඩි බවයි රේගු ආරංචි මාර්ග පවසන්නේ.

අති විශාල රත්තරන් ප්‍රමාණයක් මෙරටට ගෙන්වා ඇතත් එම රත්තරන් මෙරට වෙළඳපොලට හෝ ස්වර්ණාභරණ ලෙස අපනායනය කර නොමැති බවට රේගුව විසින් අනාවරණය කරන ගෙන ඇති බව නම සඳහන් නොකරන ලෙස ඉල්ලා සිටි ඉහල පෙළේ රේගු නිලධාරියෙකු කියා සිටියේය.

ඊට අමතරව තීරු බදු රහිතව මෙරටට ගෙන්විය හැකි රත්තරන් ප්‍රමාණයේ වර්ධනයක් වී ඇති බැවින් ආනයන හා අපනායන අතර පතරතරය විශාල ලෙස වෙනස් වී ඇති බවට පැවසේ.

කෙසේ වෙතත් මෙම ජාවාරම හේතුවෙන් රටට අති විශාල ආදායමක් අහිමිව ගොස් ඇති අතර රත්තරන් ජාවාරම මැඩලීමට රේගුව විසින් නව මෙහෙයුම් කිහිපයක්ම ආරම්භ කර ඇති බවයි ආරංචි මාර්ග පවසන්නේ.

Facebook Comments

wedding people