ශ්‍රී ලංකාවේ ජාතික ප්‍රශ්නයට සුදුසු අවස්ථාවල දී සාධාරණ දේශපාලන විසඳුමක් තිබුනේ නම් අතීත යුද වාතාවරණය වළක්වා ගත හැකිව බවත් එවැනි විසඳුමක් කර රජය තවම ළඟා වී නොමැති බවට විපක්ෂ නායකයා බලවත් රටක රාජ්‍යතාන්ත්‍රිකයකු හමුවේ කියා තිබේ.
එසේ නමුත් දෙමළ ජනයා තවමත් ඉවසීමෙන් යුතුව සාධාරණ විසඳුමක් අපේක්ෂාවෙන් බලා සිටින බව දෙමළ ජාතික සන්ධානයේ නායකයා පවසා ඇත්තේ ශ්‍රි ලංකාවේ ජපාන තානාපති කෙනචි සුගුනුමා හමුවු අවස්ථාවේදීය.
නව ව්‍යවස්ථාවක් හරහා දෙමළ ජනයාට සාධාරණ විසඳුමක් ලබා නොදුන හොත් රට තුල සමෘද්ධිමත් අනාගතයක් ඇති කළ නොහැකි බවටද විපක්ෂ නායක ආර්. සම්බන්ධන් අනතුරු අඟවා තිබේ.
උතුරු නැගෙනහිර අර්බුදයට විසදුමක් සෙවීම සදහා රජය විසින් පොරොන්දු වී ඇති ව්‍යවස්ථා සංශෝධනය ඇතුලු කරුණු ගණනාවක් පිළබද අග්‍රාමාත්‍යවරයා සහ ජනාධිපතිවරයා සමග සාකච්ඡා කිරීමටද අපේක්ෂා කරන බවයි විපක්ෂ නායකවරයා ප්‍රකාශ කර ඇත්තේ.
ජිනීවා මානව හිමිකම් මණ්ඩලය මෙවර ශ්‍රි ලංකාව සම්බන්ධයෙන් ගනු ලබන තීන්දු දෙමල ජාතික සන්ධානයට ඉතාම වැදගත් බැවින් ඒ පිළීබද අවධානයෙන් සිට එම තීරණ ඔස්සේ රජය සමග සාකච්ඡා කිරීම වඩාත් ඵලදායක වනු ඇතැයි තමන් අපේක්ෂා කරන බව ආර්. සම්බන්ධන් ජපාන තනාපති වෙත කියා ඇත.
දෙමළ දේශපාලන සිරකරුවන් නිදහස් කර ගැනීම වෙනුවෙන්ද රජය සමඟ සාකච්ඡා කිරීමට සුදානම් බව විපක්ෂ නායක හා දෙමළ ජාතික සන්ධාන නායකවරයා වැඩි දුරටත් ප්‍රකාශ කර තිබේ.
කෙසේ වෙතත්, පසුගියදා ඔහු ත්‍රිකුණාමලයේ පැවැති රාජ්‍ය උත්සවයකදී ජනාධිපතිවරයා ඉදිරියේ ප්‍රකාශ කර තිබුනේ විසඳීමක් සම්බන්ධයෙන් විශ්වාසය තැබිය හැකි එකම ආණ්ඩුව මෙය බවයි.
Facebook Comments
