මාධ්‍යවේදීන්ට ජාත්‍යන්තර පුහුණු ඇකඩමියක්

මාධ්‍යවේදීන් පුහුණු කිරීම සඳහා ජාත්‍යන්තර පුහුණු ඇකඩමියක් පිහිටුවීමට රජය කටයුතු යොදා ඇති බව අමාත්‍යරයා පවසනවා.

එම ඇකඩමිය පිහිටවීම සඳහා චීන රජයේ ආධාර සහ උපදෙස් ලැබෙන බවයි අමාත්‍ය ගයන්ත කරුණාතිලක කියා සිටියේ.

දිවයිනට පැමිණ සිටින චීන නියෝජිත පිරිසක් අමාත්‍ය ගයන්ත කරුණාතිලක හමුවී මේ පිළිබඳව සාකච්ඡා කර ඇති අතර මෙරට ඉදිකිරීමට යෝජිත මාධ්‍ය පුහුණු ඇකඩමිය පිළිබඳ මෙහිදී විශේෂ අවධානය යොමුව තිබෙනවා.

මෙම පුහුණු ඇකඩමිය සඳහා සියලු පහසුකම් ලබා දීමට ද චීනය එකඟ වී තිබෙනවා බවයි අමත්‍යවරයා සඳහන් කරන්නේ.