අධ්‍යාපන අමාත්‍යංශයේ ක්‍රීඩා අධ්‍යක්ෂ ලෙස පත් කළ යුද හමුදා කර්නල්වරයා තාවකාලිකව එම ධූරයෙන් ඉවත් කිරීමට ශ්‍රේෂ්ඨාධිකරණය අද අතුරු තහනම් නියෝගයක් නිකුත් කළේය.
අධ්‍යක්ෂකවරයා පත් කිරීම නීති විරෝධී බව කියමින් අධ්‍යාපන පරිපාලන නිලධාරීන්ගේ සංගමය ගොනු කළ පෙත්සමක් විභාගයට අවසර දෙමින් ශ්‍රේෂ්ඨාධිකරණය මෙම අතුරු තහනම පැනවීය.
පෙත්සම ඉදිරිපත් කරමින් අදාළ සංගමය ශ්‍රේෂ්ඨාධිකරණය හමුවේ ප්‍රකාශ කර ඇත්තේ අධ්‍යාපන අමාත්‍යංශයේ ක්‍රීඩා අධ්‍යක්ෂ තනතුර සඳහා යුද හමුදා නිලධාරියෙකු පත් කිරීම අධ්‍යාපන සේවා ව්‍යවස්ථාවට පටහැනි බැවින් අදාළ පත් කිරීම වලක්වාලමින් තහනම් නියෝගයක් නිකුත් කරන ලෙසයි
ඉිදිරිපත් වු කරුණු සලකා බලා අදාළ පත්කිරීම තහනම් කළ ශ්‍රේෂ්ඨාධිකරණය යළි පෙත්සම විභාගය ජුලි මස 24 වනදා පවත්වන බව නිවේදනය කර ඇත.
Facebook Comments
