සිව් වසරකට ඉහතදී පිරිසිදු පානීය ජලය ඉල්ලා උද්ඝෝෂණයේ යෙදුණු රතුපස්වල ජනතාවට වෙඩි තබා තිදෙනකු මරා දැමීමත් තවත් පිරිසකට බරපතල තුවාල සිදු කිරීමත් සම්බන්ධයෙන් සැකපිට අත්අඩංගුවට ගත් යුද හමුදාවේ සෙබලුන් තිදෙනෙක් ලබන මස තුන් වැනි දා දක්වා රක්ෂිත බන්ධනාගාරගත කර තිබේ.
අපරාධ පරීක්ෂණ දෙපාර්තමේන්තුව විසින් ඊයේ (24) අත්අඩංගුවට ගත් යුද හමුදාවේ මාණ්ඩලික සැරයන්වරයකු සහ කෝප්‍රල්වරුන් දෙදෙනකු වන ඩී.ඒ සිරිසේන, ජේ.එම් තිලකරත්න සහ ලලිත් ග්‍රේ අධිකරණයට ඉදිරිපත් කිරීමෙන් පසුව ඔවුන් රක්ෂිත බන්ධනාගාර ගත කරන ලෙස නියෝග කර ඇත්තේ ගම්පහ වැඩ බලන මහේස්ත්‍රාත් වසන්තා ගුණසේකර විසිනි.
යුද හමුදාව විසින් 2013 අගෝස්තු පළමු දා වෙඩිතබා රවිශාන් පෙරේරා, අකිල දිනේෂ් සහ නිලන්ත පුෂ්පකුමාර ඝාතනය කොට තවත් 37කට තුවාල සිදු කිරීමේ වරදට හමුදා නිලධාරීන් අත්අඩංගුවට පත් පළමු අවස්ථාව මෙයයි.
වතුර ඉල්ලූ පිරිසට වෙඩි තැබීම සම්බන්ධයෙන් යුද හමුදාව වගකිව යුතු බවට සදහන් කරමින් මානව හිමිකම් කොමිසම වාර්තාවක් නිකුත් කර තිබුණි.
Facebook Comments
