ඒකාබද්ධයේ ජනබල සේනාවට ජනපතිගෙන් පිළිතුරු

0
1113
wedding people
Loading...

රට පාවා නොදෙන ලෙස හා රණවිරුවන් රැක ගන්නා ලෙස ඉල්ලමින් යල්පැන ගිය සටන් පාඨ කියමින් ඇතැම් දේශපාලනඥයන් ලිප්ටන් වටරවුමේ සිට පෙළපාලි යන්නේ තම පටු දේශපාලන අරමුණු වෙනුවෙන් බවට ජනාධිපතිවරයා ප්‍රකාශ කර තිබේ.

වත්මන් රජය රට බෙදීමට හෝ රට පාවාදීමට කටයුතු කර නොමැති අතර, ඉදිරියට ද කිසි සේත් එවන් දෙයකට ඉඩක් නොමැති බවයි ජනාධිපති මෛත්‍රීපාල සිරිසේන පෙන්වා දෙන්නේ.

“ආණ්ඩුවට විරුද්ධව උද්ඝෝෂණය කරනවා. මම එය ජංගම දුරකථනයෙන් බැලුවා. සටන් පාඨ කියනවා. මම බැලුවා අලුත් සටන් පාඨ කියනවාද කියා. නැහැ සියල්ල පරණ කසිකබල් සටන් පාඨයි කියන්නේ. රණවිරුවෝ බේරගන්න කියනවා. රට බෙදන්න එපා කියනවා. රට පාවා දෙන්න එපා කියනවා. විදේශීය වෙළෙඳ ගිවිසුම්වලට රට යටත් වෙන්න දෙන්න එපා කියනවා. මම බොහෝම පැහැදිලිව කියනවා අද හවස ලිප්ටන් වටරවුමේ ගිය අයට අපි රට පාවා දීලත් නැහැ රට පාවා දෙන්නෙත් නැහැ. රට කඩන්න දෙන්නෙත් නැහැ.” යි ජනාධිපතිවරයා කියා සිටියේය.

ආණ්ඩුවට විරුද්ධව ඉදිරිපත් කරන සටන් පාඨ කිසිවක් අද දවසට වලංගු නොවන අතර, එදා කතා කළ විදුලි පුටු, ජාත්‍යන්තර යුධ අධිකරණ මෙන්ම ජාත්‍යන්තර විනිසුරුවරුන් ගෙන්වීම යන සියලු කතා බහ වත්මන් රජය යටතේ අහෝසි වී ගිය 02 බ්‍රහස්පතින්දා මනම්පිටිය නගරයේ හෙළ බොජුන් හලේ සිදු කෙරුණු සංවර්ධන කටයුතු රැසක් ජනතා අයිතියට පත් කිරිමට එක්වෙමින් ජනපති පැවසීය.

2015 ජනවාරි මාසයේ 08 වැනිදා මැතිවරණයට රටේ ජනතාව ඉල්ලුවේ ප‍්‍රජාතන්ත‍්‍රවාදය, නිදහස, සමකාමී සමාජය, සකෙන් බියෙන් තොරව ජීවත්වීමට හැකි සමාජයක්, මාධ්‍ය නිදහස, ජාත්‍යන්තර බලපෑම්වලින් නිදහස් වූ රටක්, විදේශීය බලපෑම්වලින් නිදහස් වූ සමාජයක් බවයි ජනාධිපතිවරයා පෙන්වා දෙන්නේ.

“රටේ ජනතාවාදී බලවේගයත් ජාත්‍යන්තර දේශපාලන බලවේගවලින් ආ දේශපාලන සුළං රැළි තර්ජනයන්ට මුහුණදීමට ඇති වූ නොහැකියා නිසා බලයේ සිටීමට අවුරුදු දෙකක් තිබියදී මහ මැතිවරණයකට යන්න එදා නායකයින්ට සිදුවුණා. බලයේ සිටීමට අවුරුදු දෙකක් තිබියදී ඇයි ජනාධිපතිවරණයක් තිබ්බේ කියා ඒ මැතිවරණය පැවැත්වූ අය අදටත් පිළිතුරු දෙන්නේ නැහැ.”

ජනවාරි 08 වනදා රටේ ජනතාව ඉදිරිපත් කළ ප‍්‍රශ්නවලට විසඳුම් ලබාදෙමින් ඓතිහාසික පරිවර්තනයක් වත්මන් රජය රට තුළ සිදු කරමින් සිටින බව ජනාධිපති මෛත්‍රීපාල සිරිසේන වැඩි දුරටත් කියා සිටියේය.

Facebook Comments

Loading...