ආරම්භයේ සිටම එක්සත් ජාතික පක්ෂය නිර්ආගමික ලෙස කටයුතු කළේ එක්සත් කම පෝෂණය කරමින් ලංකීය අනන්‍යතාවක් නිර්මාණය කිරිමේ අරමුණින් බව එම පක්ෂයේ සභාපතිවරයා පෙන්වා දෙයි.
ආගමික නොසන්සුන්තාව, ජාතීන් අතර වෛරය වපුරවන සහ රජයේ සංහිදියා වැඩපිළිවෙළට බාධා කරන්නන් සම්බන්ධව නීතිය උපරිමයට ක්‍රියාත්මක කිරීම වෙනුවෙන් කැබිනට් මණ්ඩලය, අග්‍රාමාත්‍යවරයා හා ජනාධිපතිවරයා පසුගියදා නිකුත් කළ ඒකාබද්ධ නිවේදනය එක්සත් ජාතික පක්‍ෂ සාදරයෙන් පිළිගන්නා බව අමාත්‍ය මලික් සමරවික්‍රම නිවේදනයක් නිකුත් කරමින් කියා සිටි.
ජනාධිපතිවරණයේදී මෙන්ම මහමැතිවරණයේදීද එක්සත් ජාතික පක්ෂය හා එහි මිත්‍ර කණ්ඩායම් එක්ව ඉදිරිපත් කල සංහිදියා වැඩපිළිවෙළ වෙනුවෙන් ජන වරමක් හිමිවු බව පවසන ඇමතිවරයා වාර්ගික සහජීවනය, ආගමික සමගිය හා නීතියේ ආධිපත්‍යය පවත්වාගෙන යෑම සහතික කරලීම සම්බන්ධයෙන් එක්සත් ජාතික පක්‍ෂයට කිසිදු දෙගිඩියාවක් කිසිදිනක තිබී නොමැත බව අවධාරණය කරයි.
සෑම ආගමික දර්ශනයකම වැදගත්ම ලක්‍ෂණ වනුයේ අවිහිංසාව හා අන්‍යයන්ට ගරු කිරීම වන අතර එවැනි සංදර්භයක වෛරය වපුරවන්නන් හා හිංසනයට අනුබල දෙන්නන් මේ සිදු කරමින් සිටිනුයේ තමන් ආරක්‍ෂා කිරීමට බැඳී සිටින විශ්වාසයන් නොසලකා හැරීමක් බවයි ඇමති මලික් සමරවික්‍රම සිය නිවේදනයේ සඳහන් කර ඇත්තේ.
ආගමික අසහනය ඇති කරන්නා වූ කිසිදු පුද්ගලයෙකුට, සංවිධානයකට, චෝදනා ගොනුකිරීමෙන්, වැළකීමේ, මුක්තිය හිමිවිය යුතු නොමැති බවට අවධාරණය කරන ඇමතිවරයා ජීවිත දහදහස් ගණනකින් අහිමිවූ අඳුරු යුද සමය බදු හිමි සමයකට යළි අපට ගමන් කළ නොහැකි බව මෙන්ම පසුගිය කාලයේ දී සිදු වූවාක් මෙන් ආර්ථිකය අඩපණ කරගැනීම හා ජාත්‍යන්තර හුදෙකලාවීම අප සිදු කර ගත යුතු නැති බවයි පෙන්වා දෙන්නේ.
ඉතිහාසයේ කුණුබක්කියට ඇඳවැටුණු දේශපාලන බලවේග යළි බලය අත්පත් කරගැනීමේ අරමුණින්, අන්තවාදය හා අන්තවාදීන්ව පිම්මේ, පෝෂණය කරමින්, සිටින බව පෙනෙන්නට ඇති බවත් ජාතික සමගිය හා සහජීවනය වෙනුවෙන් වන තම ශක්තිමක් කැපවීම පෙරදැරිව, එක්සත් ජාතික පක්ෂය එබඳු බංකොළොත් දේශපාලන අවස්ථාවාදීන්ට තම විරෝධය පළ කරන අතරතුර ඔවුන්ව නීතිය හමුවට රැගෙන ඒමට කටයුතු කරන ලෙස අදාළ බලධාරීන්ගෙන් ඉල්ලා සිටින බවයි ඇමතිවරයා සිය නිවේදනයේ වැඩිදුරටත් සඳහන් කර ඇත්තේ.
Facebook Comments
