නෙට්බෝල් ශුරියෝ සහ කැරම් ශුරයෝ ජනපති හමුවෙති

0
143
wedding people

ආසියානු නෙට්බෝල් ශූරතාව දිනාගත් ශ‍්‍රී ලංකා නෙට්බෝල් කණ්ඩායම ජනාධිපති කාර්යාලයේ දී ජනාධිපති මෛත්‍රීපාල සිරිසේන හමු විය.

එම ක්‍රීඩිකාවන්ගේ දක්ෂතා අගය කළ ජනාධිපතිවරයා ඔවුන් වෙත සිය සුභාශීංසන පිළිගැන්වු බවයි ජනාධිපති මාධ්‍ය අංශය පවසන්නේ.

තරඟාවලියේ දී කැපී පෙනන දස්කම් දක්වමින් ශ්‍රී ලංකා අත්කර දුන් කීර්තිය පිළිබඳව ද මෙහිදී ක්‍රීඩිකාවන් වෙත සිය ස්තූතිය පිරිනැමූ ජනපති ඔවුන්ගේ ඉදිරි ක්‍රීඩා කටයුතු සාර්ථක කර ගැනීමට සිය ආශිර්වාදය පළ කර ඇත.

එමෙන්ම එම කටයුතු සඳහා රජයෙන් ලබාදිය හැකි සෑම අනුග‍්‍රහයක්ම ලබාදෙන බවටද ජනපති සහතික වී තිබේ.

අනතුරුව ජනාධිපති මෛත්‍රීපාල සිරිසේන, ක්‍රීඩා අමාත්‍ය ෆයිසර් මුස්තාපා ශ‍්‍රී ලංකා නෙට්බෝල් කණ්ඩායම සමග සමූහ ඡායාරූපයකට ද පෙනී සිටියහ.

මේ අතර 2018 කැරම් ලෝක ශූරතාවලිය හිමිකරගත් ශ‍්‍රී ලංකා පිරිමි කණ්ඩායම සහ කාන්තා අනුශූරතාවය හිමිකරගත් ශ‍්‍රී ලංකා කාන්තා කණ්ඩායම් ද 13 බ්‍රහස්පතින්දා ජනපති හමුවී ඇත.

ඔවුන්ගේ ද දක්ෂතා අගය කළ ජනාධිපතිවරයා ඔවුන් සියලුදෙනා වෙත සිය සුභාශීංසන පිළිගැන් වූ අතර සමූහ ඡායාරූපයකට ද පෙනී බවයි ජනාධිපති මාධ්‍ය ඒකකය නිවේදනය කරන්නේ.

Facebook Comments