ඉදිරි ජනාධිපතිවරණයකදී ඉදිරිපත් වන්නේ තමගේ කුමන සහෝදරයාද යන්න එක්සත් ජාතික පක්ෂය හිටපු ජනපති මහින්ද රාජපක්ෂගෙන් ප්‍රශ්න කරයි.
හිටපු ජනාධිපතිවරයා විසින් මීළඟ ජනාධිපතිවරණයට තම සහෝදරයෙකු ඉදිරිපත් වනු ඇති බවට ඉන්දීය පුවත්පතකට කරන ලද ප්‍රකාශය ප්‍රශ්න කරමින් පාර්ලිමේන්තු මන්ත්‍රි තුෂාර ඉදුනිල් මේ බව කියා සිටියේය.
“අපි අහන්නේ මේ කොයි බ්‍රදර්ද එන්නේ. සියයට 10 කොමිස් ගත්ත සහෝදරයද, මිග් යානා ගණුදෙනු වලින් කොමිස් ගත්ත සහෝදරයද, මහන්ද රාජපක්ෂ මහත්තයගේ වැඩිමහල් සහෝදරයද එහෙම නැත්නම් තාම මන්ත්‍රීකමක් ඇමැතිකමක් දරාපු නැති සැඟවිලා ඉන්න වෙනත් සහෝදරයෙක්ද.” යි මන්ත්‍රීවරයා ඇසීය.
පොහොට්ටු පක්ෂයේ අවස්ථාව ඇත්තේ රාජපක්ෂවරුන්ට පමණද යන්න මාධ්‍ය හමුවට එක්වු පාර්ලිමේන්තු මන්ත්‍රි හර්ෂණ රාජකරුණා ප්‍රශ්න කල අතර දිනේෂ් ගුණවර්ධන සහ වාසුදේව වැනි මන්ත්‍රීවරුන්ට අවස්ථාව නොලැබෙන්නේ දැයි විමසීය.
නාමල් රාජපක්ෂ හට ජනාධිපති ධුර අපේක්ෂකත්වයට අවස්ථාව ලැබෙනතුරු මෙම කටයුතු සිදුවන බවයි මන්ත්‍රීවරයා වැඩි දුරටත් කියා සිටියේ.
Facebook Comments
