නිසි ක්‍රමවේදයකින් තොරව රූපවාහිනී සංඛ්‍යාත අයථා ලෙස මහරාජා සමුහ ව්‍යපාරයට ලබා දීමට විරෝධය පෑ තොරතුරු තාක්ෂණ ආයතන ප්‍රධානියාට ජනපතිවරයාගේ බලපෑම් නිසා සිය ධුරයෙන් ඉල්ලා අස්වීමට සිදුව තිබේ.
ජනාධිපතිවරයා විසින් කරන ලද නියෝගය අනුව අගෝස්තු මස 11 වන දිනයේ ඉල්ලා අස්වු හිටපු ICTA ප්‍රධානි මුහුන්දන් කනගේ සිලෝන් නිවුස් වෙත විශේෂ ප්‍රකාශයක් කරමින් කියා සිටියේ “මට කිසිම පාඩුවක් නැහැ, පාඩුව රටේ ජනතාවට” යනුවෙනි.
තමන් ලෝක පුරවැසියකු බව කී ඔහු ටෙන්ඩර් කැඳවීමකින් තොරව ඩොලර් බිලියන 3 ක් පමණ වටිනා මෙම සංඛ්‍යාත රජය විසින් නොවටිනා මුදලකට මහරාජා ආයතනයට වෙන් කර දීමට පෑ විරෝධය ඔහුට ධුරය හැර යාමට බල පා තිබේ.
මෙම සංඛ්‍යාතය ප්‍රකෝටිපති ආයතනයකට ලබා දීමෙන් ශ්‍රී ලංකාව ඩිජිටල් කරනය වීමට තිබු අවස්ථාව මගහැරී ගිය බවට විදුලි සංදේශ විශේෂඥ කනගේ කනගාටු විය.
ඩිජිටල් හා යටිතල් පහසුකම් පිළිබඳ අමාත්‍ය හරින් ප්‍රනාන්දු හරහා සිය ධුරයෙන් ඉවත් වන ලෙසට ජනාධිපතිවරයා දැනුම් දුන් බවයි හිටපු ICTA ප්‍රධානියා සිලෝන් ජර්නල්ස් හා කියා සිටියේ.
පසුගිය කාලය පුරා මුහුන්දන් කනගේට විරුද්ධ දැවන්ත මාධ්‍ය ප්‍රහාරයක් මහරාජා ආයතනය මඟින් දියත් කර තිබුණි.
සිය අස්විමේ ලිපිය හරහා අගමැති රනිල් වික්‍රමසිංහට සහ මුදල් හා ජනමාධ්‍ය අමාත්‍ය මංගල සමරවීර හට ඔහු සිය ස්තුතිය පල කර තිබේ.
Facebook Comments
