ජාතික ලොතරැයි මණ්ඩලය සහ සංවර්ධන ලොතරැයි මණ්ඩලය විදේශ කටයුතු අමාත්‍යංශය යටතට පවරන ලද්දේ ආණ්ඩුව බේරා ගැනිමේ අරමුණ ඇතිව බවට ජනාධිපති ලේකම්වරයෙක් පැවසු බව ලොතරැයි අලෙවි නියෝජිතයන්ගේ සංගමය ප්‍රකාශ කරයි.
මෙම ආයතන විදේශ කටයුතු අමාත්‍යංශයට පවරන ලද්දේ ජනාධිපතිවරයාගේ අකමැත්තෙන් බව 13 අඟහරුවාදා උදෑසන ලොතරැයි අලෙවි නියෝජිතයන්ගේ සංගමය හා ජනාධිපති ලේකම්වරයකු අතර පැවති සාකච්ඡාවේදී එම ලේකම්වරයා පවසා තිබේ.
ලොතරැයි මණ්ඩල විදේශ කටයුතු අමාත්‍යංශයට පැවරීමට තම සංගමය දැඩිව විරුද්ධ බවයි නම සඳහන් කිරීමට අකමැති වු ලෙතරැයි අලෙවි සංගමයේ නිලධාරියෙක් සිලෝන් ජර්නල්ස් හා කියා සිටි අතර කවුරුන් ඇමති ධුරය දැරුවද ලොතරැයි මණ්ඩලය පැවතිය යුත්තේ මුදල් අමාත්‍යංශය යටතේ බවයි ඔහු පෙන්වා දෙන්නේ.
ලොතරැයි මණ්ඩලය මුදල් අමාත්‍යංශයට පවරා ගැනීමට නොහැකි නම් ලොතරැයි මණ්ඩලය ජනාධිපතිවරයා යටතට පත් කර ගන්නා ලෙසට තම සංගමය ජනාධිපති ලේකම්වරයාට කරන ලද ඉල්ලීමටද සුබවාදී පිළිතුරක් නොලැබුන බවයි එම සංගමයේ නියෝජිතයා පවසන්නේ.
ලෙතරැයි මණ්ඩලයේ ඉහල තනතුරු වල රැඳී සිටින්නේ හිටපු මුදල් ඇමති රවී කරුණානායකගේ නෑසියන් හා හිත මිතුරන් බැවින් ලොතරැයි මණ්ඩලය පවරා ගැනීමට නොහැකිව ජනාධිපතිවරයාද අසරණව සිටින බවයි එම සංගමය නියෝජිතයා අවධාරණය කර සිටියේ.
Facebook Comments
