ඒකාබද්ධයේ බල කඳවුරු දෙකක් ගැන ජවිපෙ හෙළි කරයි

0

ඒකාබද්ධ විපක්ෂය නියෝජනය කරන කණ්ඩායම තුළ පැහැදිලි ලෙසම මහින්ද හා ගෝඨා ලෙස බල කඳවුරු දෙකක් ක්‍රියාත්මක වන බව ජනතා විමුක්ති පෙරමුණ පවසයි.

මේ වන විට ඔවුන් උත්සහ කරමින් සිටින්නේ තමන් නියෝජනය කරන බල කඳවුරේ නායකයා ඉදිරියට ගෙන ඒමට බවයි එම පෙරමුණේ නායක අනුර කුමාර දිසානායක පෙන්වා දෙන්නේ.

ගෝඨා ඉදිරියට ගෙන ඒමට නම් අනිවාර්යයෙන්ම මහින්දට රාජ්‍යය නායකයා වීමට ඇති ඉඩ අසුරවාලිය යුතු බැවින් 20 වන සංශෝධනය යටතේ විධායක ජනපති ධූරය අහෝසි කිරීමට ගෝඨා කඳවුරු විරුද්ධ වන බවට ඔහු 19 බදාදා 20 වන ආණ්ඩුක්‍රම ව්‍යවස්ථා සංශෝධනය පිළිබඳ මල්වතු මහනාහිමියන් දැනුවත් කරමින් කියා තිබේ.

විධායක ජනපති ධූරය අහෝසි කර ඒ වෙනුවට පාර්ලිමේන්තුව කේන්ද්‍ර කරගත් පාලන ක්‍රමයක් රටට යෝග්‍යය බව ජනතා විමුක්ති පෙරමුණේ අදහස බවත් එය ක්‍රියාත්මක වුවහොත් මහින්දට ජනතා කැමැත්ත අනුව පාර්ලිමේන්තුවට පත්ව එහි බහුතරයේ කැමැත්ත මත කැබිනට් මණ්ඩලයේ ප්‍රධානියා ලෙස කටයුතු කිරීමට අවකාශ තිබෙන බවයි විපක්ෂයේ ප්‍රධාන සංවිධායකවරයා පවසන්නේ.

එය එසේ වුවහොත් ගෝඨාගේ සිහින බොඳවී යනු ඇති බව කී අනුර කුමාර දිසානායක මෙම පසුබිම තුළ මහින්ද කඳවුරේ දේශපාලන නායකත්වය සම්බන්ධයෙන් අර්බුදයක් මතුව තිබෙන බවද අවධාරණය කළේය.

විසිවන ව්‍යවස්ථා සංශෝධනය සම්මත වුවහොත් ලබන වසරේ මාර්තු මස 09 දිනට පෙර පාර්ලිමේන්තුව විසුරුවා හැර මැතිවරණයකට යායුතුව තිබෙන බවත් එසේ වුවහොත් රනිල්ගේ වත්මන් ආණ්ඩුවේ ආයුෂ මාස 07 කින් අඩුවන බවයි ඔහු පෙන්වා දෙන්නේ.

මෙම පසුබිම තුළ 20 වන සංශෝධනයෙන් වැඩිම අවාසි සිදු වන්නේ රනිල් වික්‍රමසිංහ අගමැතිවරයාට බව පැහැදිලිව පෙනෙන්නට තිබියදී ඇතැම් පිරිස් ජවිපෙ අගමැතිවරයා සමඟ එකතුවී මෙය ගෙන ඒමට උත්සහ කරන බවට අසත්‍යය ප්‍රචාර ගෙන යමින් සිටින බව ජනතා විමුක්ති පෙරමුණේ නායක අනුර කුමාර දිසානායක වැඩි දුරටත් කියා සිටියේය.

Facebook Comments

wedding people