වත්මන් පොලිස්පති පුජිත් ජයසුන්දරට එරෙහිව එල්ල වී ඇති චෝදනා සම්බන්ධව අමාත්‍යංශ මට්ටමින් පරීක්ෂණයක් පැවැත්වීමට සුදානම් කර ඇති බවට නීතිය හා සාමය බාර නියෝජ්‍ය අමාත්‍යවරයා පවසයි.
එම පරීක්ෂණය ගැන නීතිය හා සාමය බාර අමාත්‍ය රංජිත් මද්දුමබණ්ඩාර විසින් අමාත්‍යාංශ ලේකම්වරයාට දැනුම්දීමක් කර ඇති බව ද නලීන් බණ්ඩාර ඇමැතිවරයා 20 බ්‍රහස්පතින්දා පාර්ලිමේන්තුවේදී පැවසීය.
පාර්ලිමේන්තුවේ දී එක්සත් ජනතා නිදහස් සන්ධාන පාර්ලිමේන්තු මන්ත්‍රී කනකහේරත් විසින් මේ සම්බන්ධයෙන් සිදු කළ විමසීමක දී එයට පිළිතුරු දෙමින් නියෝජ්‍ය අමාත්‍යවරයා මෙම අදහස් පළ කළේය.
මේ අතර ඇතැම් මාධ්‍ය විසින් පොලිස්පතිවරයා හට අගමැතිවරයා සහ ජනාධිපතිවරයා සති දෙකක් ඇතුලත සිය ධුරයෙන් ඉල්ලා අස්වන ලෙසට ඉල්ලු බවට පළ වන මාධ්‍ය වාර්තා අසත්‍ය බව ද නියෝජ්‍ය අමාත්‍ය නලීන් බණ්ඩාර කියා සිටියේය.
Facebook Comments
