වත්මන් ආණ්ඩුවෙන් හොඳක් වුයේ රාජපක්ෂවරුන්ට පමණක් බව රාජපක්ෂ විරෝධී ආණ්ඩු පාක්ෂික ප්‍රබල අමාත්‍යවරයෙකු ප්‍රකාශ කර තිබේ.
රාජපක්ෂවරුන් සමඟ හැප්පෙමින් ඉදිරියට ආ බව පැවසු සුව ඇමැති රාජිත සේනාරත්න ඔවුන්ට එල්ල වී ඇති චෝදනා සම්බන්ධව නීතිය ක්‍රියාත්මක කිරීමට ආණ්ඩුව අසමත් වු බවද පිළිගත්තේය.
“මේ ආණ්ඩව හොඳ නම් හොඳ වුනේ රාජපක්ෂලාට. එක නඩුවකටවත් හරියට විත්ති කුඩුවට මුන්ව නග්ගන්න බැරි වුනා. දුමින්දයා විතරයි නැග්ගේ මිනියක් මරලා.” යැයි සුව ඇමැතිවරයා කියා සිටියේ ජනපති අපේක්ෂක සජිත් ප්‍රේමදාස හට සහාය පළ කරමින් පසුගියදා කුරුණෑගල පැවති ජන හමුවක් අමතමිනි.
රාජපක්ෂවරු ජනපති සටනට පිවිස ඇත්තේ ගෝඨාභය රාජපක්ෂ ජනපති කර ඔවුන්ට එරෙහි නඩු වලින් ගැලවීමේ අපේක්ෂාව ඇතිව බව ද අමාත්‍යවරයා සඳහන් කළේය.
වත්මන් රජය තරම් දුප්පත් ජනයාට සහන දුන් වෙනත් රජයක් නොමැති බව පවසන සුව ඇමැතිවරයා එහෙත් ඒ පිළිබඳව ජනතාවට අවබෝධයක් නැත්තේ ප්‍රචාරයක් නොමැති නිසා බව ද පැවසීය.
“මේ ආණ්ඩුව ධනපතී කියන උන්ගේ කටේ කබර හැදෙනවා සහෝදරවරුනි. මේ තරම් දුප්පතුන්ට සලකපු ආණ්ඩුවක් 48 නිදහසින් පසුව නෑ සහෝදරවරුනි.” යි රාජිත සේනාරත්න අමාත්‍යවරයා වැඩි දුරටත් කියා සිටියේය.
Facebook Comments
