දෙමළ දේශපාලන පක්ෂ හා සිවිල් සංවිධාන එක්වී සිංහල ජනාධිපති අපේක්ෂයන්ට ඉදිරිපත් කරන ලද ඉල්ලීම මාලාව ඉවත ලා සජිත් ප්‍රේමදාස හට සහාය දැක්වීමට තීරණය කළ බව දෙමළ ජාතික සන්ධානයේ ප්‍රධානතම පක්ෂය ප්‍රකාශ කර තිබේ.
එම ඉල්ලීම නොබලාම සියලුම අපේක්ෂයන් විසින් ප්‍රතික්ෂේප කරන ලද බැවින් එම ඉල්ලීම් මාලාව නොසලකා නව ප්‍රජාතන්ත්‍රවාදී පෙරමුණේ අපේක්ෂකයාට ඉලංගෙයි තමිල් අරසු කච්චි (ITAK) සහාය දෙන බව පාර්ලිමේන්තු මන්ත්‍රී එම්.ඒ. සුමන්තිරන් 03 ඉරිදා මාධ්‍ය වෙත කියා සිටියේය.
“ඉල්ලීම් ගැන අපි මොනවත් කළේ නෑ. ඒක වෙන කටයුත්තක්. ඒක අපි කාටත් ඉදිරිපත් කරලා නෑ. ඒවගේ එකක් තියෙනවා කියලා ප්‍රවෘත්ති වල කියපු හැටියෙම හැම එක්කෙනාම කිව්වා අපි ඒක බලන්නෙවත් නෑ කියලා. ඒක නිසා අපි ඒ ගැන මොනවත් පියවර ගත්තේ නෑ.”
දෙමළ ඉල්ලීම් ඉදිරිපත් කිරීමට පෙර ප්‍රධාන අපේක්ෂකයන් සමඟ සාකච්ඡා කළ බවත් හා ඔවුන්ගේ ප්‍රතිපත්ති ප්‍රකාශ සලකා බලා ඉලංගෙයි තමිල් අරසුකච්චි පක්ෂය සජිත් ප්‍රේමදාස හට සහාය දීමට තීන්දු කළ බව එම්.ඒ. සුමන්තිරන් මන්ත්‍රීවරයා වැඩි දුරටත් කියා සිටියේය.
Facebook Comments
