ඔරිජිනල් Pad Man ගෙන් සජිත් ට තල්ලුවක්

0

දුගී දුප්පත් කාන්තාවන් හට අඩු වියදමින් සනීපාරක්ෂක තුවා ලබා දිමේ සමාජ සත්කාරයක් නිසා ලොව පුරා ගෞරවාදරයට පාත්‍රවු ඉන්දීය ක්‍රියාධරයකු සජිත් ප්‍රේමදාසට සිය උපහාරය පළකර තිබේ.

සජිත් ප්‍රේමදාස ශ්‍රී ලංකාවේ කාන්තාවන්ට නොමිලේ සනීපාරක්ෂක තුවා දෙන බවට මැතිවරණ වේදිකාවේ පොරොන්දු වීමත් සමග පෑඩ්මෑන් ලෙස හැඳින්වීම පිළිබඳව ප්‍රසාදය දක්වන මුලින්ම පෑඩ්මෑන් විරුදාවලිය ලද අරුනාචලම් මුරුගනාදම් ලොව පුරා සිටින නායකයන් සංවර්ධනය පිළිබඳව මෙන්ම කාන්තාවන්ගේ සෞඛ්‍ය සහ සනීපාරක්ෂාව පිළිබඳව වටහා ගැනීම ගැන සිය සතුට පළ කර ඇත.

“ශ්‍රී ලංකාවේ ජනාධිපති අපේක්ෂක සජිත් ප්‍රේමදාස මහතා දරාගත හැකි වියදමකින් කාන්තාවන්ගෙ ඔසප් සනීපාරක්ෂාව සලසාදීම පිළිබදව මෑතකදි කතා කළා… පැඩ් මෑන් වෙතින් ආභාෂය ලබාගෙන තිබෙන ඔහු තමන් පැඩ් මෑන් ලෙස හඳුන්වාගැනීමට නිර්භීත වෙලා තියෙනවා. ඔහු නිවාස ඉදිකිරීම් හා සංස්කෘතික කටයුතු පිළිබඳ අමාත්‍යවරයායි. ඔහු පෑඩ්මන් ලෙස හැඳින්වීම ගැන සතුටු වන අතර කාන්තාවන්ට හා ගැහැණු ළමයින්ට නොමිලේ පෑඩ් ලබා දෙන බවට ඔහු පොරොන්දු විය. අන්තිමේදි ලොව පුරා සිටින ජනාධිපතිවරුන් ඔවුන්ගේ සහ කාන්තාවන්ගේ ඔසප් සනීපාරක්ෂාවේ දැනුවත්භාවය පිළිබද රාජදූතයන් වීමට ඉදිරිපත් වීම ඉතා හොඳයි.දැන් බංග්ලාදේශය ද සරණාගත කාන්තාවන් සහ ගැහැණු ළමයින් සඳහා ඔසප් සනීපාරක්ෂාව පිළිබඳ දැනුවත් කිරීම සඳහාත් පෙළඹී සිටී.” යනුවෙන් අරුනාචලම් ෆේස්බුක් පිටුවේ සටහනක් තබමින් කියා ඇත.

හංසයා ලකුණින් ජනපතිවරණයට ඉදිරිපත් වී සිටින සජිත් ප්‍රේමදාස කාන්තාවන්ගේ සනීපාරක්ෂක තුවා නොමිලේ ලබා දීමට මැතිවරණ වේදිකාවේ පොරොන්දු වීමත් සමඟ ඇතැම් ප්‍රතිවාදීන් විසින් ඔහු පෑඩ්මෑන් ලෙස හඳුන්වන ලදී.

මෑන් විත් ද වෑන් (වෑන් එකේ මිනිහා) ලෙස හඳුන්වනු වෙනුවට තමන් පෑඩ්මෑන් ලෙස හැඳින්වීම ගෞරවයක් බව ජාතික ප්‍රජාතන්ත්‍රවාදී පෙරමුණේ අපේක්ෂකයා ඊට පිළිතුරු වශයෙන් පවසා තිබුණි.

“මම කාන්තා අයිතිවාසිකම් වෙනුවෙන් කැපවී සිටිමි. මම පෑඩ්මෑන් ලේබලය සාඩම්බරයෙන් පැළඳ ගනිමි. මගේ කල්පනාවේ හැටියට එය මෑන් විත් ද වෑන් වනවාට වඩා සත්තකින්ම යහපත්ය,” යි සජිත් ප්‍රේමදාස නිකුත් කළ ට්විටර් පණිවිඩයක සඳහන් වෙයි.

“UNICEF (එක්සත් ජාතීන්ගේ ළමා අරමුදල) පවසන පරිදි ඔසප් වීම නිසා පාසල් යන්නට නොහැකිවීම ශ්‍රී ලංකාවේ යෞවනියන්ගෙන් අඩකට වැඩි පිරිසකගේ අධ්‍යාපනයට බලපායි. අපේ ආණ්ඩුව සනීපාරක්ෂක නිෂ්පාදන සඳහා බද්ද 100% සිට 63% දක්වා අඩු කළත් කාන්තාවන් දහස් ගණනක් තවමත් කැළැල් බවින් පීඩා විඳින අතර සෑම මාසයකම අවදානමට මුහුණ දෙති,” යි ඔහු වැඩිදුරටත් කියා තිබේ.

ඔසප් සමයේ තම බිරිඳ සනීපාරක්ෂක තුවා ලෙස පරණ රෙදි භාවිතා කරන බවට සිය විවාහයෙන් පසුව දැන ගන්නා අරුනාචලම් මුරුගනාදම් මහත් සේ කම්පාවට පත්වී ඇයට ප්‍රමිතියෙන් යුත් සනීපාරක්ෂක තුවා ලබා දීමට උත්සාහ දරයි.

සනීපාරක්ෂ තුවා ඉතා මිල අධික හා ඉන්දීයාවේ සිටන බොහෝ කාන්තාවන් සනීපාරක්ෂක තුවා වෙනුවට අනාරක්ෂිත රෙදි කැබලි භාවිතයට ගන්නා බව දැන ගන්නා අරුනාචලම් සෑම කාන්තාවකටම මිලදි ගත හැකි පරිදි සෞඛ්‍යාරක්ෂිත සනීපාරක්ෂක තුවා නිෂ්පාදනය පටන් ගත්තේය.

විවිධ බාධා මැද ඒ සඳහා නව නිපැයුමක් ලොවට හඳුන්වා දෙන අරුනාචලම් මුරුගනාදම් අවසානයේදී ලොව පුරා ජනාදරයට පත්වූයේ පෑඩ්මෑන් ලෙසයි.

Facebook Comments

wedding people