පාස්කු ඉරිදා සමුල ඝාතනයේ ප්‍රහාරකයන්ගේ බවට සැක කෙරෙන විඩියෝ හා ජායාරූප නම් ගම් සහිතව ඉස්ලාමීය රාජ්‍ය සංවිධානය (ISIS) නිකුත් කර ඇති බව විදෙස් මාධ්‍යවේදිනියක් හෙළි කර තිබේ.
අප්‍රේල් 23 දා ප්‍රසිද්ධියට පත් කරන ලද සවිස්තර නිවේදනයක දැක්වෙන පරිදි ප්‍රහාරකයන් අබු උබයිඩා, අබු අල් මුක්තාර්, අබු කලීල්, අබු හම්සා, අබු අල් බරා, අබු මුහම්මද් සහ අබු අබ්දුල්ලා යන සංවිධාන නාම වලින් හඳුන්වන බව එම සංවිධානය පිළිබඳ විශේෂඥ නිව් යෝර්ක් ටයිම්ස් මාධ්‍යවේදිනී රුක්මිනි කලිමචි සමාජ මාධ්‍ය ජාල ඔස්සේ ප්‍රකාශ කර සිටී.
ISIS නිවේදනය උපුටා දක්වමින් ඇය පවසන පරිදි කතෝලික දේවස්ථාන තුනටම එල්ල වී ඇත්තේ මරාගෙන මැරෙන ප්‍රහාරය.
ප්‍රහාරයෙන් මිය ගිය විශාල පිරිසකගේ අවමංගල්‍යය මීගමුවේ කටුවාපිටියේ සිදුවන අවස්ථාවේ නිකුත් කොට ඇති එම තොරතුරු අනුව අඩුම වශයෙන් හත් දෙනකු ප්‍රහාර මාලාව දියත් කර තිබේ.
ඒ සමගම ISIS සංවිධානයේ අමාක් ප්‍රවෘත්ති ඒජන්සිය විසින් ප්‍රකාශයට පත් කරන ලද ප්‍රහාරකයන්ගේ බව පැවසෙන ISIS ධජය පසුබිම් කොටගත් ශ්‍රී ලංකාවේදී ගන්නා ලද බව කියවෙන ඡායාරූපද මාධ්‍යවේදිනිය සිය ට්විටර් ගිණුමෙන් ප්‍රසිද්ධියට පත් කර ඇත.
කෙසේ මෙම කණ්ඩායම ISIS සමග සෘජු සම්බන්ධයක් ඇති බව එයින් අදහස් නොකෙරේන බව නිව් යෝර්ක් ටයිම්ස් මාධ්‍යවේදිනී රුක්මිනි කලිමචි පවසයි.
“වීඩියෝවේ සත්‍යතාව සහතික වී ඇති කලෙක එමගින් සැබවින්ම පෙන්නුම් කෙරෙන්නේ ශ්‍රී ලංකාවේ සිටි කණ්ඩායම තමන් ISIS වෙනුවෙන් තම ප්‍රචණ්ඩ ක්‍රියාව සිදු කළ බව පෙනී යාම සහතික කිරීම පිණිස මහත් වීරියක් දැරූ බවයි.” යනුවෙන් ISIS සංවිධානය පිළිබඳ විශේෂඥවරිය ප්‍රකාශ කර සිටී.
https://www.youtube.com/watch?v=DJ_jYAHH8c4&feature=youtu.be
Facebook Comments
