එක්සත් ජාතික පෙරමුණ නියෝජනය කරමින් සජිත් ප්‍රේමදාස ඉදිරි ජනපතිවරණ අපේක්ෂකයා ලෙස තරඟ කරන බවට අගමැති රනිල් වික්‍රමසිංහ නිවේදනය කර සිටී.
ඉදිරි ජනපතිවරණ අපේක්ෂකයා ලෙස සජිත් ප්‍රේමදාස එක්සත් ජාතික පක්ෂ කෘත්‍යාධිකාරි මණ්ඩලය 26 බ්‍රහස්පතින්දා ඒ්කමතිකව තීන්දු කර ඇත.
මේ අතර කෘත්‍යාධිකාරි මණ්ඩල යෝජනාවට අනුමැතිය ලබා ගැනීමට අද පස්වරුවේ එජාප පාර්ලිමේන්තු කණ්ඩයම රැස්වීමට නියමිත බවයි වාර්තා වන්නේ.
සජිත් ප්‍රේමදාස අමාත්‍යවරයා ඉදිරි ජනපතිවරණ අපේක්ෂකත්වයට ඉදිරිපත් කිරීමට එක්සත් ජාතික පෙරමුණ නියෝජනය කරන පක්ෂ ද සිය එකඟත්වය පළ කර ඇති බව මාධ්‍ය වාර්තා කර තිබුනි.
අමාත්‍ය රවී කරුණානායක අයත් ‘හංසයා‘ ලකුණින් යුත් නව ප්‍රජාතන්තවාදී පෙරමුණින් සජිත් ප්‍රේමදාස අමාත්‍යවරයා ජනපතිවරණයට ඉදිරිපත් වන බවයි ඒජාප ආරංචි මාර්ග සඳහන් කරන්නේ.
පසුගිය ජනාධිපතිවරණයේ දී විපක්ෂයේ පොදු අපේක්ෂකයා ලෙස මෛත්‍රීපාල සිරිසේන ඉදිරිපත් වී ජයග්‍රහණය ලැබුවේ ද එම පක්ෂය නියෝජනය කරමිනි.
Facebook Comments
