තුන්සීයකට වැඩි පිරිසකට මරු කැඳවමින් පාස්කු ඉරිදා කතෝලික දේවස්ථාන හා තරු පන්තියේ හෝටල් කිහිපයක් ඉලක්ක කර එල්ල කරන ලද ප්‍රහාරයේ වගකීම ඉස්ලාමීය රාජ්‍ය සංවිධානය (ISIS) බාරගෙන ඇත.
මරාගෙන මැරෙන ප්‍රහාර මාලාවෙන් දෙදිනකට පසුව තමන්ගේ අමාවක් පුවත් සේවය හරහා ඒ බව නිවේදනය කර ඇති ISIS සංවිධානය ඒ සඳහා කිසිඳු සාක්ෂියක් ඉදිරිපත් කර නැත.
නවසීලන්තයේ ක්‍රයිස්ට්චර්ච් හි මුස්ලිම් වරුන් 50 දෙනකු මරා දමමින් එල්ල කරන ලද මාරාන්තික ප්‍රහාරයට ප්‍රති ප්‍රහාරයක් ලෙසින් ශ්‍රී ලංකාවේ ප්‍රහාර දියත් කරන ලදැයි මුලික පරීක්ෂණ වලදී හෙළි වී ඇති බව රාජ්‍ය ආරක්ෂක අමාත්‍ය රුවන් විජේවර්ධන පාර්ලිමේන්තුවේදී කියා සිටියේය.
පාස්කු ඉරිදා එල්ල කරන ලද ප්‍රහාරයෙන් 23 අඟහරුවාදා දහවල් වන විට අඩුම තරමින් 321 දෙනෙකු මිය ගිය බව ද අමාත්‍යවරයා ප්‍රකාශ කළේය.
Facebook Comments
