පුපුරණ ද්‍රව්‍ය ඇති බවට සැක වාහන දෙකක් ගැන ආරක්ෂක අංශ අවධානයෙන්

පුපුරණ ද්‍රව්‍ය සවි කරන ලද බවට සැක කෙරෙන ඇළුමිනියම් තහඩු ආවරණ සහිත ලොරියක් සහ කුඩා වෑන් රථයක් කොළඹ නගරය වෙත පැමිණි ඇති බවට බුද්ධි අංශ විසින් වාර්තා කර තිබේ.

ඒ පිළිබඳව අවධානයෙන් සිටින ලෙස කොළඹ පොලිස් ස්ථාන වලට පොලිස්පතිවරයා විසින් දැනුම් දී ඇත.

මෙම බුද්ධි තොරතුරත් සමඟ කොළඹ ප්‍රදේශයේ ආරක්ෂාව තවදුරටත් තර කිරීමට ආරක්ෂක අංශ පියවර ගනිමින් සිටී.

තම රථ වාහන යම් ස්ථානයක නවතා යන්නේ නම් දුරකතන අංක වාහනයේ ප්‍රදර්ශනය කර යන ලෙස පොලිසිය මහජනතාවගෙන් ඉල්ලීමක් කර ඇත.