ශ්‍රී ලංකා ගුවන් හමුදාව විසින් බෝම්බ හෙලීමෙන් සමුලඝාතනයට පත් පාසල් දැරියන් වෙනුවෙන් දස අවුරුද්දක් තිස්සේ යුක්තිය ඉටුවී නැති වීම ගැනට ඔවුන් වෙනුවෙන් පවත්වන ලද අනුස්මරණ සඳහා එක්වූ ඥාතීහු ශෝකය පල කළහ.
මුලතිව් දිස්ත්‍රික්කයේ වල්ලිපුනම් හි සෙන්චෝලේ අනාථ නිවාසයට 2006 අගෝස්තු 14 දා හෙලන ලද ශ්‍රී ලංකා ගුවන් හමුදා සුපර්සොනික් ප්‍රහාරක යානා බෝම්බ ප්‍රහාරයෙන් මරුමුවට පත්වූ වයස අවුරුදු 16ත් 18ත් අතර දැරියන් හැට එක් දෙනකු සමරා මුලතිව් සහ යාපනයේ දී අනුස්මරණ පැවැත්විණි
මුලතිව් හි පල්ලිමුනෙයි ගණදෙවි කෝවිලේ 15 සඳුදා අනුස්මරණ පුජාවක් දෙමළ ජාතික සන්ධාන මන්ත්‍රිනී ශාන්ති ශ්‍රී ස්කන්ධරාජා ගේ මෙහෙයවීමෙන් පවත්වන ලද අතර 14 ඉරිදා දෙමළ ජාතික ජනතා පෙරමුණේ නායක ගජෙන්ද්‍රකුමාර් පොන්නම්බලම්ගේ ප්‍රධානත්වයෙන් යාපනයේ දී සමරුවක් පැවැත්විනි.
ප්‍රහාරය සමයේ ශ්‍රී ලංකා රජයේ ප්‍රකාශක කෙහෙළිය රඹුක්වැල්ල අමාත්‍යවරයා සෙන්චෝලේ එල්ටීටීඊ යුද පුහුණු කඳවුරක් බවට චෝදනා කරමින් ප්‍රකාශ කළේ එය යුක්ති සහගත ඉලක්කයක් බවයි.
කෙසේවෙතත් ශ්‍රී ලංකා සටන් විරාම නිරීක්ෂණ කමිටුව සහ උතුරේ සේවය කළ එක්සත් ජාතීන් ඇතුළු සහන සේවා ගණනාවක් විසින් තහවුරු කරන ලද පරිදි සෙන්චෝලේ අනාථ නිවාසය යුද පුහුණුව සඳහා භාවිතා කළ බවට කිසිදු සාක්ෂියක් නැත.
එක්සත් ජාතීන්ගේ ළමා අරමුදලේ එවක කොළඹ ප්‍රධානී ජොආනා වැන්ගර්පන් කොළඹදී මාධ්‍යවේදීන් අමතා ප්‍රකාශ කළේ ‘මියගිය දරුවන් එල්ටීටීඊ සාමාජිකයන් සේ පිළිගැනීමට කිසිදු සාක්ෂියක් නැති’ බවයි.
සමූහ ඝාතනය සිදුවූ ස්ථානයට ගිය සටන් විරාම නිරීක්ෂණ කමිටුවේ ප්‍රධානී උල්ෆ් හෙන්රික්සන් ද එය තහවුරු කොට තිබුනි.
“අපට කිසිම හමුදා ස්ථාපනයක් හෝ ආයුධ හෝ තිබු බවට කිසිම සලකුණක් නෑ,” යි ඔහු මාධ්‍යවේදීන්ට ප්‍රකාශ කළේය.
(Radiogagana)
Facebook Comments
