රාජ්ය ත්රස්තවාදය හේතුවෙන් වින්දිත වු සියලුදෙනා වෙනුවෙන් තම හඬ අවදි කරන මෙන් රාජපක්ෂ පාලනයේ දී තම මාධ්යවේදී සැමියා අතුරුදහන් වු බිරිඳක් කාදිනල් හිමියන්ගෙන් ඉල්ලා තිබේ.
පාස්කු ප්රහාරයෙන් වින්දිත වු පවුල් වෙනුවෙන් කාදිනල් මැල්කම් රංජිත්ගේ හඬ නැගීමට සිය ප්රසාදය පල කරන අතුරුදහන් මාධ්යවේදී ප්රගීත් එක්නැළිගොඩගේ බිරිය ඒ ආකාරයෙන්ම පසුගිය සමයේ රාජ්ය ත්රස්තවාදයට ගොදුරුව පීඩාවට පත්ව සිටින උතුරේ හා දකුණේ අය වෙනුවෙන්ද පෙනී සිටින ලෙසයි ඉල්ලා සිටින්නේ.
“මුස්ලිම් ත්රස්තවාදය ද අන්තවාදය නිසා ඇති වෙච්ච, රාජ්ය ත්රස්තවාදය ද, මොකද මහින්ද රාජපක්ෂගේ රාජ්ය ත්රස්තවාදය ද, නිසා වින්දිත භාවයට පත් වෙච්ච අය ද මේ සියල්ලෝම වින්දිතයින්. සියල්ලෝම තමන්ගේ මිනිසුන් වෙනුවෙන් වින්දිත භාවයට පත් වෙලා ඉන්නේ.” යැයි සන්ධ්යා එක්නැළිගොඩ අවධාරණය කළාය.
“කාදිනල් තුමනි අද යන්න එන්න තැනක් නැතිව., තමන්ගේ අතුරුදහන් වෙච්ච දරුවන් ඉල්ලමින් හඬන උතුරේ කතෝලික අම්මලත්, මුස්ලිම් අම්මලත්, බෞද්ධ හා හින්දු අම්මලාත් වෙනුවෙන් ඔබතුමාගේ හඬ අවදි කරන්න. මොකද අපිත් ත්රස්තවාදයේ ගොදුරු.”
රාජ්ය ත්රස්වාදය ගොදුරු වෙනුවෙන්ද පෙනී සිටින මෙන් හෙරොද්ගේ ත්රස්තවාදය නිසා තම දරුවා වන යේසුස් වහන්සේ අහිමි කර ගත් මරිය මාතාවගේ නාමයෙන් තමන් කාදිනල් හිමියන්ගෙන් ඉල්ලා සිටින බව ද සන්ධ්යා එක්නැළිගොඩ වැඩි දුරටත් කියා සිටියාය.
යේසුස් ක්රිස්තුස් කුරුසියේ ඇණ ගසා මරා දමනු ලැබුවේ හෙරොද් රජුගේ පාලන යටතේ ය. පාස්කුව යනුවෙන් සමරනු ලබන්නේ ඔහු මරණයෙන් උත්ථාන වු දිනයයි.
Facebook Comments
