නායකත්වය බාර ගැනීමට තමන්ටද හැකියාව තිබුනද තම තරම දැනගන වැඩ කටයුතු කළ යුතු බව පෙන්වා දෙන විදුලිබල ඇමැතිවරයා ඒ සඳහා සුදුසුකම් ඇති පුද්ගලයින් පක්ෂය තුළ ඇති බව ප්‍රකාශ කර තිබේ.
“අපේ තරම දැනගන අපි කටයුතු කරනවා. අපිටත් පුලුවන් නමුත් ඒවට දක්ෂයෝ ඉන්නවා. අපි එක්සත් ජාතික පක්ෂයත් පෙරමුණත් එකට දාලා ජයග්‍රාහණය කරනවා.” යැයි ශ්‍රී දළදා මාළිගාවට ජෙනරේටර් යන්ත්‍රයක් ලබාදිමේ අවස්ථාවෙන් පසුව මාධ්‍යවේදීන් යොමු කළ ප්‍රශ්න වලට පිළිතුරු දෙමින් රවී කරුණානායක ඇමැතිවරයා කියා සිටියේය.
එක්සත් ජාතික පක්ෂය මෙතෙකේ සිය ජනපති අපේක්ෂකයා පිළිබඳව අවසන් තීරණයක් ගෙන නැති බව කී ඇමැතිවරයා මැතිවරණය ප්‍රකාශයට පත් කිරිමෙන් අනතුරුව අපේක්ෂකයා නීවේදනය කරන බව පැවසීය.
පොහොට්ටු පක්ෂය නියෝජනය කරමින් ගෝඨාභය රාජපක්ෂ ජනාධිපතිවරණයට ඉදිරිපත්වුවහොත් එක්සත් ජාතික පක්ෂයට විශිෂ්ඨ ජයක් ලබා ගැනීමට හැකි වනු ඇති බවට ද විදුලිබල, බලශක්ති සහ ව්‍යාපාර සංවර්ධන අමාත්‍ය, රවී කරුණානායක වැඩි දුරටත් විශ්වාසය පළ කළේය.
Facebook Comments
