එක්සත් ජනතා නිදහස් සන්ධානය සම්මුතිවාදී රජයෙන් ඉවත් වීමට තීරණය කර ඇති හිටපු ජනපති මහින්ද රාජපක්ෂ අගමැතිවරයා ලෙස දිවුරුම් දී තිබේ.
හිටපු ජනපති මහින්ද රාජපක්ෂ 26 සිකුරාදා රාත්රී 7.30ට යෙදුන නැකතට අගමැතිවරයා ලෙස දිවුරුම් දුන් බව ජනාධිපති ලේකම් කාර්යාල ප්රකාශයෙකු සිලෝන් නිවුස් වෙත පැවසීය.
ආණ්ඩුවෙන් ඉවත් විමේ තීරණය මේ වන විට කතානායකවරයා වෙත දැනුම් දී ඇති බවයි එම සන්ධානයේ මහලේකම් අමාත්ය මහින්ද අමරවීර පවසන්නේ.
https://www.youtube.com/watch?v=L0ZrpsWbb50
සම්මුතිවාදී ආණ්ඩුවේ සඳහා වන ගිවිසුම 2017 අගෝස්තු මස අවසන් විය.
2015 අගෝස්තු 21 වන දින එක්සත් ජාතික පක්ෂයේ මහ ලේකම් කබීර් හෂීම් සහ ශ්රී ලංකා නිදහස් පක්ෂයේ ප්රධාන ලේකම් දුමින්ද දිසානායක විසින් පක්ෂ දෙක අතර සම්මුතිවාදී ආණ්ඩුව පවත්වාගෙන යාම සඳහා අවබෝධතා ගිවිසුමට අත්සන් තැබූ අතර, එය වසර දෙකක කාලයක් සඳහා පමණක් වලංගු වන නමුත් දෙපාර්ශ්වයේ එකඟතාව මත ගිවිසුම දීර්ඝ කළ හැකි බව ද එහි විශේෂයෙන් සඳහන් වී තිබුණි.