සිංහල බෞද්ධ සංවිධාන විසුරුවීම “උගුල් ගැලවීමක්” (VIDEO)

0

සිංහල බෞද්ධ සංවිධාන විසුරුවා හැරීමට ගත් තීරණය පිළිබඳව එක්සත් ජාතික පක්ෂ මන්ත්‍රීවරියක් සිය සතුට පළ කර තිබේ.

එම සංවිධාන උගුල් ලෙස හැඳින්වු හිරුණිකා ප්‍රේමචන්ද්‍ර මන්ත්‍රීවරිය එම උගුල් ගලවනු ලබන්නේ ඔවුන්ගේ දඩයම සම්පුර්ණ වු නිසා බව පැවසුවාය.

“මම දැක්කා අන්තවාදී සංවිධාන කිහිපයක්ම විසුරුවා හැරලා තියෙනවා. ඒක මේ රටේ සියලු දෙනාට හොඳ ආරංචියක්. මොකද අපේ ආණ්ඩුවක් පත්වුනා නම් ඔය අන්තවාදි කණ්ඩායම් තව තවත් ඕක පතුරුවනවා. මොකද ඔවුන්ගේ අවසාන තීරණය වුනේ ඔවුන්ට වාසිදායක කෙනෙක් රටේ ප්‍රධානියා කර ගන්න ඉතින් ඒ දේ කරගත්තා.”

ගෝඨාභය රාජපක්ෂ ජනාධිපතිවරණය ජය ගැනීමෙන් දින කිහිපයකට පසුව මහ මැතිවරණයෙන් අනතුරුව තම සංවිධාන විසුරා හරින බව බොදුබල සේන සංවිධානය හා රාවණා බලය සංවිධාන කියා තිබුනි.

“දඩයම සඳහා අටවපු උගුල් ගලවනා කියලා කියන්නේ ඒ ගොල්ලන්ගේ දඩයම සම්පුර්ණ වෙලා කියන එක,” යි හිරුණිකා ප්‍රේමචන්ද්‍ර මන්ත්‍රීවරියා පසුගියදා පැවති මාධ්‍ය හමුවක දී කියා සිටියාය.

ඉදිරියේදී කිසිදු වර්ජනයක් සිදු නොවනු ඇති බවට විශ්වාසය පළ කළ ඇය එයට හේතුව ලෙස කියා සිටියේ එම පාර්ශව වත්මන් ජනාධිපතිවරයාට සහාය දක්වන කණ්ඩායම් බවයි.

ලෝකය පුරාම ජාතිවාදී නායකයන් බිහි වීමේ ප්‍රවණතාවක් දක්නට ඇති බව පෙන්වා දෙන හිරුණිකා ප්‍රේමචන්ද්‍ර මන්ත්‍රීවරිය ශ්‍රී ලංකාවට ද සිදුවුයේ එය බව වැඩි දුරටත් පැවසුවාය.

Facebook Comments