දුම්රිය වර්ජනයට මුහුණ දෙන්න ලංගම හා හමුදා බස් පාරට

0
778
Ivory Agency Sri Lanka
wedding people

ඉල්ලීම් කිහිපයක් මුල් කරගනිමින් දුම්රිය වෘත්තිය සමිති 08 බදාදා සිට ආරම්භ කරන ලද වැඩ වර්ජනයට මුහුණ දීම සඳහා ලංගම බස් රථ 6000 සහ හමුදා බස් රථ ගමනා ගමනයට සුදානම් කර ඇති බව රජය පවසයි.

වර්ජනය මේ වන විටත් ක්‍රියාත්මක වන අතර ඊයේ පස්වරුවේ සිට මේ දක්වා කිසිඳු දුම්රියක් ධවනයේ යොදවා නැති බවයි දුම්රිය දෙපාර්තුමේන්තුව පවසන්නේ.

උසස් පෙළ විභාගයට පෙනී සිටින දරුවන් වෙනුවෙන් යුධ හමුදාවේ සහය මත විශේෂ බස් සේවයක් ක්‍රියාත්මක බවයි රජය නිවේදනය කරන්නේ.

දුම්රිය වර්ජනය හේතුවෙන් ලංකා ගමනා ගමන මණ්ඩලයේ රියැදුරු / කොන්දොස්තර හා කාර්මික අංශ නිලධාරීන්ගේ නිවාඩු අවලංගු කර ඇති බව එහි සභාපති රමාල් සිරිවර්ධන මාධ්‍ය වෙත කියා සිටියේය.

රැකියා සඳහා කොළඹට පැමිණි පිරිස් හට නැවත පස්වරුවේ නිවස් බලා යාමට අවශ්‍ය පහසුකම් සැපයීමට අතිරේක ලංගම බස් රථ 100 ක් අනියුක්ත කර ඇති බව ද ඔහු සඳහන් කළේය.

සාකච්ඡාවට සුදානම්

තම වෘත්තිය ගැටලු සම්බන්ධව මුදල් අමාත්‍යවරයා / ප්‍රවාහන අමාත්‍යවරයා හෝ රජයේ ඕනෑම බලධාරියෙකු සමග සාකච්ඡා කිරීමට සුදානම් බවයි දුම්රිය මෙහෙයුම් අධීක්ෂණ කළමණාකරණ වෘත්තීය සමිති සන්ධානයේ සම කැඳවුම්කරු ලාල් ආරියරත්න පවසන්නේ.

සාකච්ඡා මාර්ගයෙන් තම වැටුප් ගැටලුව විසදා ගැනීම සිය අරමුණ බවයි ඔහු පෙන්වා දෙන්නේ.

දුම්රිය රියදුරන් / පාලකවරුන් / ස්ථානාධිපතිවරුන් සහ නියාමකයන් ඇතුලු පිරිසක් මෙම වර්ජනය සදහා එක්ව සිටින අතර පෙර දැනුම්දීමකින් තොරව හදිසියේ ඔවුන් මෙම වර්ජනයට අවතීර්ණ වූ බැවින් මහජනතාව දැඩි පීඩාවකට පත්විය.

හදිස්සි වර්ජනය හේතුවෙන් කෝපයට පත් දුම්රිය මගීන් 08 බදාදා පස්වරුවේ කොටුව දුම්රිය ස්ථානය අසල විරෝධතාවකද නිරත වු අතර කොටුව දුම්රිය ස්ථානයට පැමිණි දුම්රියකට ගල්මුල්වලින් පහරදී එහි රියදුරකුටද පහරදී තිබුණි.

Facebook Comments