මංගලගේ උපදෙසින් “අහන්න” රටපුරා ගමන් අරඹයි

0

මුදල් හා ජනමාධ්‍ය අමාත්‍යාංශය ජාතික සංහිඳියාව පිළිබඳ කාර්යාංශය හා එක්ව ජාතීන් අතර සමඟිය,සංහිඳියාව හා අනෝන්‍ය විශ්වාසය තහවුරු කිරිමේ අරමුණින් ”අහන්න” සාමය,සංහිඳියා හා සංවර්ධන ජාතික වැඩසටහන ආරම්භ කරන බව නිවේදනය කරයි.

රටේ ජාතික සංවර්ධනය උදෙසා සමස්ත පුරවැසියන් දායක කර ගැනීම ඉලක්ක කර ගත් ”අහන්න” වැඩසටහන මුදල් හා ජනමාධ්‍ය අමාත්‍ය මංගල සමරවීරගේ උපදෙස් මත කොළඹ දිස්ත්‍රික්කයේ කඩවත හා දෙහිවල ප්‍රදේශවල දී ආරම්භ කරන බවයි රජය පවසන්නේ.

මෙම සංවාද වැඩසටහනට ප්‍රජා නායකයන්, සිවිල් පුරවැසියන් හා විද්වත් මණ්ඩලයක් දායක වන බව පවසන රජය, ග්‍රාමීය මට්ටමින් ජනතාව අතර සංහිඳියාව ඇති කිරිම වෙනුවෙන් මෙම වැඩසටහන ක්‍රියාත්මක කෙරෙන බව පෙන්වා දෙයි.

සාකච්ඡා හා සංවාදයකින් සමන්විත “අහන්න” වැඩසටහනට නාට්‍යමය ජවනිකා මෙන්ම අහන්න තේමා ගීතය ද ඇතුලත් කර ඇති අතර සංහිඳියාව පිළිබිඹු කෙරෙන වාර්තාමය වැඩසටහන් ද ඇතුලත් කර ඇත.

මෙම වැඩසටහන සෑම ප්‍රදේශිය ලේකම් කාර්යාලයක් ඉලක්ක කර ගෙන ක්‍රියාත්මක කිරීමට බලාපොරොත්තු වන බව පෙන්වා දෙන රජයේ ප්‍රවෘත්ති දෙපාර්තුමේන්තුව එක් වැඩසටහනකින් 300කට නොඅඩු ජනතාවක් ආමන්ත්‍රණය කිරීමට බලාපොරොත්තු වන බව ද නිවේදනය කරයි.

Facebook Comments

wedding people