අධිකරණ හා බුද්ධ ශාසන අමාත්‍යවරයා එම ධුරයෙන් ඉවත් කිරීමට එක්සත් ජාතික පක්ෂය තීරණය කල බව අගමැතිවරයා ජනාධිපතිවරයා වෙත දන්වා තිබේ.
අධිකරණය ඇමැතිවරයාට එල්ල වු චෝදනා සම්බන්ධව සොය බැලීමට කමිටුවක් පත්කල අතර ඇමැතිවරයා එම කමිටුවට නොපැමිණි බව 21 සඳුදා පැවති එජාප පාර්ලිමේන්තු කණ්ඩායම් රැස්විමේදී අනාවරණය විය.
ඒ අනුව අධිකරණ ඇමැතිවරයා එම ධුරයෙන් ඉවත් කිරිමට එජාපය ගත් තීරණය සම්බන්ධව ජනාධිපතිවරයා හට දැනුම් දෙන බව අගමැති රනිල් වික්‍රමසිංහ පැවසු බව නම සඳහන් කිරිමට නොකැමති වු එජාප මන්ත්‍රීවරයෙකු සිලොන් ජර්නල්ස් වෙත පැවසීය.
ඒ අනුව නුදුරු දිනයකදී ඇමැතිවරයා ධුරයෙන් ඉවත් කිරීමට බොහෝ දුරට ඉඩ ඇති බවයි එම මන්ත්‍රීවරයා වැඩි දුරටත් කියා සිටියේ.
මේ අතර විජයදාස රාජපක්ෂ ඉවත් කිරීමට ජනාධිපතිවරයාට එකඟත්වය පළ කර ඇතැයි මාධ්‍ය වාර්තා පල වනවා.
Facebook Comments
