පාස්කු ඉරිදා ප්‍රහාර මාලාවෙන් මිය ගිය පිරිස ඉහලට

කතෝලික දේවස්ථාන හා තරු පන්තියේ හෝටල් කිහිපයක් ඉලක්ක කර එල්ල කරන ලද ප්‍රහාරයෙන් අවම වශයෙන් 321 දෙනෙකු මිය ගොස් ඇති බව රජය පවසනවා.

ඒ අතර විදේශිකයන් 38 දෙනෙකු ද වන බව 23 අඟහරුවාදා ආරක්ෂ රාජ්‍ය අමාත්‍ය රුවන් විජේවර්ධන පාර්ලිමේන්තුවේ දී පැවසීය.

තුවාල කරුවන් 500කට අධික පිරිසක් තුවාල ලබා ඇති අතර ඉන් 375 දෙනෙකු තවමත් රෝහල් වල ප්‍රතිකාර ලබන බවයි අමාත්‍යවරයා පෙන්වා දෙන්නේ.

මෙරටට පැමිණි විදේශිකයන් 14 දෙනෙකු අතුරුදහන්ව ඇති බව විදේශ කටයුතු අමාත්‍යංශය නිවේදනය කළේය.

පවතින තත්ත්වය සැලකිල්ලට ගනිමින් දෙවන වාරය සඳහා රජයේ පාසල් නැවත ආරම්භ කරන දිනය 29 සඳුදා දක්වා කල් දැමීමට අධ්‍යාපන අමාත්‍යංශය තීරණය කර ඇත.