ජනාධිපතිවරයා විසින් උතුරේ යුද පීඩිත ජනතාවට යුක්තිය ඉටු කරනු ඇති බවට ජනපති දෙටු දියණිය විශ්වාසය පල කරයි.
උතුරු යුද්ධයෙන් පීඩාවට පත් වු කාන්තාවන්ට හා දියණියන්ගේ බිඳ වැටුනු සිතුම් පැතුම් වලට ජනපති මෛත්‍රීපාල සිරිසේන සාධාරයක් ඇති කරනු ඇති බවට විශ්වාස කරන බව ජනාධිපතිවරයාගේ දියණිය දර්ශණි චතුරිකා සිරිසේන කියා සිටියේ ඇයි රචනා කළ “ජනාධිපති තාත්තා” කෘතිය පිළිබඳව 13 බදාදා මාධ්‍යවේදීන් පිරිසක් සමඟ පැවති සාකච්ඡාවකට එක්වෙමිනි.
සිය පියා ජනාධිපති ධුරයට පත්ව ගත වු වසර දෙකහමාරක කාලය තුළ වැඩි වාර ගණනක් සංචාරය කරන ලද්දේ දෙමළ ජනතාව වාසය කරන ප්‍රදේශ වලට බව ඇය සිලෝන් ජර්නල්ස් කල විමසුමකට පිලිතුරු දෙමින් පෙන්වා දුන්නාය.
“පාට, පක්ෂ හා ජාති බේදයෙන් තොරව” සැමට සාධාරණය ඉෂ්ඨ වන පරිදි ජනාධිපතිවරයා කටයුතු කරන බවයි චතුරිකා සිරිසේන පවසන්නේ.
ජනාධිපති මෛත්‍රීපාල සිරිසේන ජනපති ධුරය දක්වා පැමිණි දේශපාලන ගමන් මඟ සහ ඒ අතරතුර සිරිසේන පවුල විසින් මුහුණ දුන් අත්දැකිම් මුල් කර ගෙන “ජනාධිපති තාත්තා” කෘතිය රචනා කර තිබේ.
2015 ජනාධිපතිවරණය සම්බන්ධව මෙතෙක් හෙළි නොවු කරුණු සහ එම අවස්ථාවේදි සිය පවුලේ සාමාජිකයන් එයට මුහුණ දුන් ආකාරය සම්බන්ධ වැදගත් දෑ මෙහි අන්තර්ගත බව චතුරිකා සිරිසේන කියා සිටියේ.
Facebook Comments
