කොරෝනා බෝ කරන්න බෑ: දුම්රිය ස්ථානාධිපතිවරු වැඩ වරති

කොරෝනා රෝග වයිරස් පැතිරීම වැලැක්වීම සඳහා ගන්නා පියවරක් ලෙස මුදල් ගනුදෙනු රාජකාරි වලින් ඉවත්වීමට දුම්රිය ස්ථානාධිපතිවරුන් තීන්දු කර තිබේ.

දුම්රිය ස්ථානාධිපති හෝ දුම්රිය කාර් ය මණ්ඩලය මගීන්ට කොරෝනා වෛරසය ආසාදනය කරවන වාහකයා බවට පත් නොවිය යුතු බැවින් එම තීරණය ගත් බව ශ්‍රී ලංකා දුම්රිය ස්ථානාධිපති සංගමය පවසයි.

එම සංගමය නිවේදනයක් නිකුත් කරමින් පවසන්නේ 2020 මාර්තු 17 අගහරුවාදා දහවල් 12 සිට ක්‍රියාත්මක වන පරිදි මුල්‍ය කටයුතු වලින් ඉවත් වන බවයි.

සංගමයේ සභාපති ජානක ප්‍රනාන්දු මාධ්‍ය වේදීන් සමග පවසා ඇත්තේ ප්‍රවේශ පත් නිකුත් කිරීම, භාණ්ඩ බාර ගැනීම හා ප්‍රවාහනය, දුම්රිය ආසන වෙන්කිරීම්, නැවත මුදල් ගෙවීම හා අනෙකුත් මුදල් සංසරණය වන සියලු ගනුදෙනු සිදු නොවනු ඇති බවයි.

දුම්රිය ධාවනය සිදු වෙන නමුදු දුම්රිය අවලංගු වීම් සිදු විය හැකි බවත් ඔහු පෙන්වා දී තිබේ.

මගින් අවම මට්ටමක පවතින දුම්රිය ගමන් වාර 88 ක් අවලංගු කිරීමට දුම්රිය දෙපාර්තමේන්තුව මේ වන විටත් තීරණය කර තිබෙන බව ඔහු වැඩි දුරටත් සදහන් කරයි.

ශ්‍රී ලංකා දුම්රිය දෙපාර්තමේන්තුව පවසන්නේ රජය ලබා දුන් විශේෂ නිවාඩු දින 3 ට සමගාමීව මාර්තු 17 සිට 19 දක්වා මෙම දුම්රිය ගමන්වාර 88 අවලංගු කර ඇති බවයි.

මගීන්ගෙන් සහායක් නෑ

කොරෝනා වෛරසය පැතිරීම පාලනය කිරීම සදහා මුඛ ආවරණ පැළද දුම්රියේ ගමන් කරන ලෙස මගින් දැනුවත් කර තිබුනද ඒයට මගින්ගෙන් සැහීමකට පත් විය හැකි ආකාරයේ ප්‍රතාචාරයක් දක්නට නොමැති බව සදහන් කළ සභාපති ජානක ප්‍රනා් තව දුරටත් සදහන් කළේ දුම්රිය ස්ථානාධිපතිවරුන් සදහාත් ප්‍රමාණවත් මුඛ ආවරණ සහ අත් ආවරණ නොමැති බවයි.

රටේ මේ වන විට මතුව ඇති තත්වයත් සමග විදේශීය සංචාරකයන් ද වැඩි වශයෙන් දුම්රියෙන් ගමන් කිරීම ද මෙවැනි තිරණයකට හේතු වු බව ඔහු වැඩි දුරටත් සදහන් කරයි.