ගෝඨා “ද්විත්ව පුරවැසියකු” වුනේ ආරක්ෂක ලේකම් වෙන්නයි (VIDEO)

0

ඇමරිකානු පුරවැසියකු ලෙස ජීවත් වෙද්දී ද්විත්ව පුරවැසි භාවය ලබා ගත්තේ මෙරට ආරක්ෂක ලේකම් ධුරය ලබා ගැනීමට බව පුරවැසි භාවය අභියෝගයට ලක්ව සිටින පොදුජන පෙරමුණේ ජනපති අපේක්ෂකයා ප්‍රකාශ කර තිබේ.

මහින්ද රාජපක්ෂ ජනපති ධුරයට පත්වු පසුව ආරක්ෂක ලේකම් ධුරය බාර ගන්නා ලෙස කරන ලද ආරාධනාවකට අනුව ද්විත්ව පුරවැසි භාවය ලබා ගනිමින් තමන් එම තනතුර බාර ගත් බවයි ගෝඨාභය රාජපක්ෂ පෙන්වා දෙන්නේ.

“2005 වර්ෂයේ එදා මේ රටේ තේරි පත්වු මහින්ද රාජපක්ෂ ජනාධිපතිතුමා විසින් මේ රටේ ආරක්ෂක ලේකම් වෙන්න කියලා ආරාධනාවක් කළාම ද්විත්ව පුරවැසි භාවය ලබා ගැනීමට මම ඉල්ලුම් පත්‍රයක් ඉදිරිපත් කළා. මොකද මේ රජය යටතේ ඉතාමත් වැදගත් තනතුරු සඳහා විදේශිකයන් පත් කර ගත්තත් එදා ආරක්ෂක ලේකම් විදියට වැඩ බාර ගැනීමට ප්‍රථමයෙන් මේ රටේ පුරවැසි භාවයත් ලබා ගැනීම සඳහා මම ඉල්ලුම් පත්‍රයක් ඉදිරිපත් කළා.”

තමන් කරන ලද ඉල්ලීමට අනුව එවක ජනාධිපතිවරයා මෙන්ම එම විෂය බාරව සිටි අමාත්‍යවරයා ලෙස මහින්ද රාජපක්ෂ විසින් ඇමරිකානු පුරවැසි භාවය පමණක් තිබු තමන්ට මෙරට පුරවැසි ලෙස පිළිගැනිම ද සිදු කළ බව ගෝඨාභය රාජපක්ෂ කියා සිටියේය.

ගෝඨාභය රාජපක්ෂගේ මෙරට පුරුවැසි භාවය අභියෝගයට ලක් කරමින් සිවිල් ක්‍රියාකාරින් වන මහාචාර්ය චන්ද්‍රගුප්ත තේනුවර සහ ගාමිණී වියන්ගොඩ අභිචනා අධිකරණයේ පෙත්සමක් ද ගොනු කර ඇත.

හිටපු ආරක්ෂක ලේකම් ගෝඨාභය රාජපක්ෂ අවිධිමත්ව මෙරට දී විදේශ ගමන් බලපත්‍රයක් සහ ජාතික හැදුනුම්පතක් ලබා ගෙන ඇති බවටයි ඔවුන් එමඟින් චෝදනා කර ඇත්තේ.

කෙසේ වෙතත් තමා සියලුම සුදුසුකම් සපුරා ඇත විට සහ තම සහෝදරයා මෙරට ජනාධිපති ධුරය හොබවන අවස්ථාවක ව්‍යාජ ලෙස ද්විත්ව පුරවැසි භාවය ලබා ගැනිමේ කිසිඳු අවශ්‍යතාවයක් නොමැති බව ගෝඨාභය රාජපක්ෂ වැඩි දුරටත් පැවසීය.

Facebook Comments

wedding people