ජනාධිපතිවරයා අද දිනයේ සිය යාපනය සංචාරය නවාතා දමනු ලැබුවේ අසනීප තත්ත්වයක් නිසා නොව ඉන්දියාවේ අන්ද්‍ර ප්‍රදේශයේ ප්‍රධාන අමාත්‍ය එන්. චන්ද්‍රබාබු නායිදුගේ නියෝජිතයන් පිරිසක් දිවයිනට පැමිණි නිසා බව ජනාධිපති මාධ්‍ය අංශය පවසයි.
ඉන්දියාවේ අන්ද්‍ර ප්‍රදේශයේ ප්‍රධාන අමාත්‍ය එන්. චන්ද්‍රබාබු නායිදු ජනපති පදවි ප්‍රාප්ති උත්සවයට සහභාගිවීමට ලබන 07 වැනිදා ලංකාවට පැමිණීමට නියමිත අතර ඔහු ලංකාවේ සංවර්ධන ව්‍යාපෘති කිහිපයක් සඳහා සහාය ලබා දීමටද නියමිතව ඇත.
ජනාධිපතිවරයාගේ යාපනය සංචාරය හා අද පෙරවරුවේ හෝමාගම ප්‍රදේශයට යාමට තිබූ සංචාරය අවලංගු කරනු ලැබුවේ අසනීප තත්ත්වයක් නිසා නොව ලබන ජනවාරි 08 වැනිදාට යෙදී ඇති පදවි ප්‍රාප්ති උත්සවයේ කටයුතු නිර්ක්ෂණය කිරීමට බවත් ජනපතිවරයා අසනීප තත්ත්වයෙන් පසුවන බවට පැතිරයන වාර්තා සම්පූර්ණ අසත්‍ය බවද සිලෝන් ජර්නල්ස් කල විමසීකදී ජනාධිපති මාධ්‍ය අංශයේ ප්‍රකාශකයෙක් පැවසීය.
“තිරසර යුගයක්” ඇති කිරිමේ ඉල්ලක ජය ගැනීමේ වැඩසටහනට ඉන්දියාවේ අන්ද්‍ර ප්‍රදේශයේ ප්‍රධාන අමාත්‍ය එන්. චන්ද්‍රබාබු නායිදුගෙන් විශේෂ සහායක් හිමිවන බව පවසන ජනාධිපති මාධ්‍ය අංශය කියා සිටියේ අන්ද්‍ර ප්‍රදේශයේ ප්‍රධාන අමාත්‍යවරයාගේ ශ්‍රී ලංකා සංචාරයේ වැඩසටහන් කෙරෙහි ජනාධිපතිවරයාගේ සෘජු අවධානය යොමු වී ඇති බවයි.
බොරු කී වෙබ් වලට වැඩ වරදී
අද දිනයේදී යාපනය, පලාලි ගුවන් හමුදා කඳවුරේදී ත්‍රිවිධ හමුදාපතිවරුන් ඇතුලු ආරක්ෂක අංශ නායකයන් හමුවීම හා යුද්ධයෙන් මිය ගිය රණවිරුවන් සිහිකිරීමේ අවස්ථාවක්ද ඉන් අනතුරුව යාපනයේ පිහිටි උතුරු ආණ්ඩුකාර කාර්යාලය අසලදී ‘ජනපතිට කියන්න‘ වැඩසටහනේ පළමු ශාඛා කාර්යාලය විවෘත කිරීමට නියමිතව තිබූ අතර පසුව යාපනය කොටුවේ පිහිටි ව්‍යායාම මංතීරුවේ රුක් රෝපන වැඩසටහන් සඳහා ජනාධිපතිවරයාගේ සහභාගීත්ව සංවිධානය කොට තිබුණි.
ජනාධිපතිවරයාගේ අධික කාර්ය බහුලත්වය හේතුවෙන් එම ගමන නවතා දමා ඇති අතර යාපනයේ පැවැත්වීමට නියමිතව තිබු ආරක්ෂක අංශවල ප්‍රධානීන්ගේ හමුව කොළඹ දී පැවැත්විමට කටයුතු සුදානම් කිරීම වෙනත් අතකට හරවා ජනාධිපති සහ සේනාධිනායකයාගේ ආරක්ෂාවට තර්ජනයක් ඇති කිරීමට උත්සාහ කරමින් අසත්‍ය පුවත් වාර්තා කල වෙබ් අඩවි කිහිපයකට එරෙහිව නීත්‍යානුකූල පියවර ගැනීම කෙරෙහි බුද්ධි අංශයන්හී අවධානය යොමුව ඇති බව වාර්තා වේ.
Facebook Comments
