යාපනය විශ්ව විද්‍යාලයේ අධ්‍යාපන කටයුතු යළි ඇරඹේ

0

යාපනය විශ්වවිද්‍යාලයේ අධ්‍යාපන කටයුතු ඊයේ (02) බදාදා දින සිට නැවත ආරම්භ කර තිබේ.

පසුගිය 20 වනදා යාපනය විශ්වවිද්‍යාලයේ සිසුන් දෙදෙනෙකු පොලිස් වෙඩි ප්‍රහාරයකින් ජීවිතක්ෂයට පත්වීමෙන් අනතුරුව තාවකාලිකව විශ්වවිද්‍යාලයේ සියළු පීඨ වසා දමා තිබුණි.

මියගිය සිසුන්ට යුක්තිය ඉටුකරන්නැයි ඉල්ලා යාපනය විශ්ව විද්‍යාලයේ සිසුන් පංති වර්ජනයක නිරතවූ අතර මේ සම්බන්‍ධෙයන් ශිෂ්‍ය නියෝජිතයන් ජනාධිපති හා අග්‍රාමාත්‍යවරයා හමුවී සාකච්ඡා කළේය

ඝාතනය වූ විශ්වවිද්‍යාල සිසුන්ගේ මරණ සම්බන්ධයෙන් ජනාධිපතිවරයා සහ අගමැතිවරයා ලබා දුන් පොරොන්දු අනුව විශ්වවිද්‍යාලයේ අධ්‍යයන කටයුතු නැවත ආරම්භ කිරීමට කැමැත්ත පල කළ බව යාපනය විශ්ව විද්‍යාලයේ පැවැති මාධ්‍ය හමුවකදී කලා පීඨයේ ශිෂ්‍ය සංගම් නායක රාජීවන් පවසා සිටියේ.

මියගිය සිසුන්ගේ පවුල්වලට රුපියල් මිලියනයක් බැගින් වන්දි මුදලක් ලබාදිය යුතු යැයි සහ පවුලේ ඥාතීන් දැඩි දුෂ්කරතා මැද ජීවත් වන හෙයින් ඔවුන්ට අනුරාධපුර අධිකරණයට යෑමට නොහැකි බැවින් මියගිය සිසුන් සම්බන්‍ධ නඩු විභාගය යාපනයේදීම සිදුකළ යුතු බවට යෝජනාවක් ජනාධිපති හා අගමැති වෙත ශිෂ්‍ය සංගම් විසින් යොමු කර ඇත.

සිසුන්ගේ ඝාතනය සම්බන්‍ධ පරික්‍ෂණ කටයුතු කඩිනමින් සිදු කරන බවටත් මාසයක් තුල නීතිපති වාර්තාව ගෙන අධිකරණයේ විභාග කටයුතු ආරම්භ කරන බවට ජනාපති හා අගමැති සිසුන්ට පොරොන්දු වූහ.

මාසයක් තුල ජනාධිපති හා අගමැතිවරයා ඉහත සඳහන් ඉල්ලීම් ඉටුකරනු ඇතැයි විශ්වාස පළ කරන ශිෂ්‍ය සංගමය පවසන්නේ මාසයකින් එම ඉල්ලීම් ඉටු නොකරන්නේ නම් යළි විරෝධතාව ආරම්භ කරන බවටයි.

Facebook Comments

wedding people