පළාත් පාලන ආයතන 341 ක් වෙනුවෙන් පැවැත්වීමට නියමිත මැතිවරණ්‍ය සඳහා තැපැල් ඡන්ද අයදුම්පත් ලක්ෂ 5 ක් ලැබී ඇතැයි මැතිවරණ කොමිෂන් සභාව පවසයි.
තැපැල් ඡන්ද විමසීම ජනවාරි 25 සහ 26 යන දිනවල සිදු කිරීමට මැතිවරණ කොමිෂන් සභාව තීරණය කර ඇති බව මැතිවරණ කොමිෂන් සභාවේ සභාපති මහින්ද දේශප්‍රිය 26 අඟහරුවාදා රජයේ ප්‍රවෘත්ති දෙපාර්තමේන්තුවේ මැතිවරණ කොමිෂන් සභාව විසින් නිකුත් කොට ඇති මාධ්‍ය උපමාන පිළිබඳව මාධ්‍ය ආයතන ප්‍රධානීන් හා මාධ්‍යවේදීන් දැනුවත් කිරීම සඳහා පැවති සම්මන්ත්‍රණයේදී කියා සිටියේය.
තැපැල් ඡන්ද විමසීමෙන් පසු එම ඡන්ද පත්‍රිකා පළාත් පාලන ආයතන සඳහා පත්කොට ඇති තේරීම් බාර නිලධාරීන් වෙත යවනු ලබන අතර ඔවුන් විසින් ඡන්ද මධ්‍යස්ථානාධිපතිවරුන් වෙත යවනු ලබන අතර එහිදී අනෙකුත් ඡන්ද පත්‍රිකා සමඟ මිශ්‍රකොට එම තැපැල් ඡන්ද ගණන් කිරීම සිදු කෙරෙන බවයි සභාපතිවරයා පවසන්නේ.
මෙවර පළාත් පාලන ඡන්ද ප්‍රතිඵල සමඟ තැපැල් ඡන්ද ප්‍රතිඵල වෙනම නිකුත් නොකෙරෙන බව මැතිවරණ කොමිෂන් සභාවේ සභාපති මහින්ද දේශප්‍රිය වැඩි දුරටත් කියා සිටියේය.
Facebook Comments
