“ආණ්ඩුවට විරුද්ධව නැගී සිටින” ලෙස කාදිනල් මහින්ද පාර්ශවයෙන් ඉල්ලයි (VIDEO)

0

ආණ්ඩුවට විරුද්ධව හඬ නැගීමට කතෝලික කාදිනල් හිමියන් මහින්ද පාර්ශවයෙන් ඉල්ලා සිටි බව රාජපක්ෂවාදී මන්ත්‍රීවරයකු ප්‍රකාශ කර තිබේ.

අගරදගුරු මැල්කම් රංජිත් කාදිනල් හිමියන් බැහැ දැකිමට ගිය අවස්ථාවේ තමන් මහත් හරසරින් පිළිගත් එතුමන් රාජපක්ෂවාදී දේශපාලනය ප්‍රතිරාවය කළ බව වාසුදේව නානායක්කාර මන්ත්‍රීවරයා මාධ්‍ය වෙත කියා සිටියේය.

“කාදිනල් තුමා අපි සාදරයෙන් පිළිගත්තා, එතුමගේ ඥාතිවරු ආවා වගේ අපිව පිළිගත්තා. අපි එතුමා එක්ක පැයක් විතර සාකච්ඡා කළා. එතුමාගේ ප්‍රතිරාවය වුනෙත් මෙන්න මේ මේසය මත කතා වෙන කරුණුත්, මතවාදයත්,” යැයි මහින්ද රාජපක්ෂවාදී මන්ත්‍රීවරයා සඳහන් කළේය.

තම මතවාදය තුල සිටිමින් කාදිනල් හිමියන්ගේ අදහස් දැක්වීම පිළිබඳව සතුට පළ කල වාසුදේව මන්ත්‍රීවරයා විපක්ෂය පණ මදි යැයි කාදිනල් හිමි ප්‍රකාශ කළ බව ද පැවසීය.

“ත්‍රස්ත පනතක් ගේනවා, ඉඩම් පනතක් එනවා, කම්කරු පනතක් ගේනවා ඉඩම් අයිතිය නැති කරන්න කම්කරු පනත කම්කරුවන්ගේ කම්කරු අයිතිය නැති කරන්න ත්‍රස්ත පනත මේ රටේ නිදහස නැති කරන්න මේවා ගැන මෙහෙම බුරුලෙන් ඉදල හරියන්නෙ නැහැ,” යි කාදිනල් මැල්කම් රංජිත් කී බව සහ එයට විරුද්ධව රට තුල විශාල ජනමතයක් ඇති කරන ලෙස උන්වහන්සේ ඉල්ලා සිටි බව වාසුදේව නානායක්කාර මන්ත්‍රීවරයා වැඩි දුරටත් කියා සිටියේය.

Facebook Comments

wedding people